У гэтым годзе ў фармаце культурна-адукацыйнага свята, прымеркаванага да Дня роднай мовы, было вырашана аб’яднаць беларускамоўныя творчыя ініцыятывы, моўныя курсы, бізнэс-праекты, а таксама вытворцаў сувеніраў і паштовак, цікавых музыкаў і разнастайных творчых працаўнікоў. Праграма распісаная з 14 гадзін дня да позняга вечара нядзелі.
Прэзентацыя абмежаванага накладу гадзіннікаў «Прамень» з нацыянальнай сімволікай.
Кулінарныя вырабы з выставы.
Гандлёвыя шэрагі.
Майстар-клас беларускіх танцаў.
Сувенірная прадукцыя.
Лялечная пастаноўка ў дзіцячай зоне.
Прэзентацыя настольнай гульні.
Прэзентацыя настольнай гульні.
На першай пляцоўцы сваю прадукцыю, звязаную з нацыянальнай тэматыкай, прэзентуюць Мінскі гадзіннікавы завод, які выпусьціў лінейку гадзіннікаў з нацыянальным цыферблатам «Спадчына», і вытворца ніжняй бялізны з арнаментам Bializna.by.
Тут жа праходзіць прэзентацыя новай настольнай гульні «Казачнік» і камп'ютарнай гульні «Легенды Эйзэнвальда», майстар-класы па кулінарыі, выступ КВК, а таксама літаратурна-музычная праграма, падчас якой выступілі пісьменнікі і літаратары Віктар Марціновіч, Алесь Плотка, Зміцер Вішнёў і беларускія барды.
Для маленькіх наведнікаў сьвята была прадугледжана дзіцячая зона і канцэртна-забаўляльная праграма.
На музычна-забаўляльнай пляцоўцы працуе выстава плакатаў Уладзіміра Крукоўскага.
Адбылася лекцыя і практычныя заняткі па народных танцах Беларусі.
Тут жа прайшлі прэзентацыі выданняў ТБМ і Цэнтру славянскіх моў і культур, праграма моўных курсаў «Моваведа». На гэтай пляцоўцы выступілі гурты Vuraj, Yamaya, «Крама» і Паліна Рэспубліка.
У адукацыйнай зоне госці наведалі майстар-класы па працы з сістэмай Wikipedia, дзе спецыялісты расказалі пра тое, як можна ўдасканальваць беларускамоўны сегмент гэтай свабоднай энцыклапедыі.
Прадстаўнікі каманды infarmatyka.org прачыталі лекцыю пра тое, як праводзіць навуковую дзейнасьць у галіне матэматыкі на беларускай мове.
Тут жа ахвотныя змаглі далучыцца да напісання VIII Усебеларускай дыктоўкі і сустрэліся з мовазнаўцам, былым дыпламатам Пятром Садоўскім і наведалі майстар-класы Наталлі Гамаюнавай і Валянціны Слюнчанкі па вырабе паштовак-выцінанак.
