05.03.2015 / 15:50

Мінздароўя прапанавала павялічыць тэрмін адпрацоўкі размеркавання да 5 год 10

Галоўны тэрапеўт Міністэрства аховы здароўя Вольга Маршалка прапанавала размяркоўваць 100% маладых спецыялістаў на першае працоўнае месца ў арганізацыі аховы здароўя, якія забяспечваюць аказанне пярвічнай медыцынскай дапамогі, з абавязковай адпрацоўкай на працягу пяці гадоў.

Tut.by

Пра гэта яна паведаміла 5 сакавіка на нарадзе па выніках працы тэрапеўтычнай службы за 2014 год, адзначыўшы, што гаворка ідзе аб перспектыве. 

Паводле слоў галоўнага тэрапеўта, «добрым спецыялістам ці спецыялістам з пэўным вопытам можна стаць толькі праз пяць гадоў». Яна адзначыла, што выпускнікі навучальных устаноў –– адукаваныя спецыялісты, у якіх няма вопыту, а гэта «ў пэўных момантах мае ролю і з'яўляецца асноватворным фактарам». 

На працягу пяці гадоў працы медык атрымлівае катэгорыю, як правіла, другую. Праз гэты час, сказала галоўны тэрапеўт, «спецыяліста можна адпраўляць аказваць спецыялізаваную дапамогу на ўзровень, дзе патрабуюцца не толькі веды, але і вялікі прафесійны вопыт». 

Цяпер выпускнік бюджэтнага аддзялення дзённай формы навучання ВНУ адпрацоўвае па размеркаванні два гады, а ССНУ — адзін год. На працягу яшчэ аднаго года медыкі праходзяць інтэрнатуру. 

Як паведамлялася раней, большасць выпускнікоў медыцынскіх ВНУ адпрацоўваюць належны тэрмін па размеркаванні, выпадкі адмовы рэдкія, як і выпадкі давядзення справы да суда. 

Пытанне пра змяненне заканадаўча замацаванай нормы ў бок павелічэння ці памяншэння тэрміну адпрацоўкі ў Мінадукацыі не абмяркоўваецца. На сустрэчы з еўрапейскімі экспертамі 4 сакавіка міністр адукацыі Міхаіл Жураўкоў сказаў, адказваючы на пытанне пра магчымыя змяненні ў інстытуце размеркавання, што яны не плануюцца. Размеркаванне –– гэта гарантыя давання першага працоўнага месца выпускніку, сказаў міністр.

0
Мордехай В. / Адказаць
05.03.2015 / 15:56
На поля, на стройки! (с)
0
пварп / Адказаць
05.03.2015 / 16:54
У этих ... на большее фантазии не хватает, как только "Не пущааааать!" Ну так пусть лучше пожизненно будет. Иначе все равно и через пять лет уедут в лучшие края, на лучшие хлеба. И это всё вместо того чтобы дать элементарное - нормальные зарплаты врачам и хоть как-то их заинтересовать остаться работать.
0
Татьяна / Адказаць
05.03.2015 / 17:35
Зарплату поднимите!Создайте нормальную человеческую жизнь молодому врачу и он будет работать.А в не перспективных районах создайте контрактную систему, за большим рублём всегда найдётся кому поехать работать.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру