07.03.2015 / 17:35

Або Кастусёў, або Анісім — «Народны рэферэндум» абірае паміж кандыдатамі ў прэзідэнты 41

Кампанія «Народны рэферэндум» мае намер вылучыць на прэзідэнцкія выбары сумеснага кандыдата, паведаміў 7 сакавіка на сойме Партыі БНФ у Мінску яе старшыня Аляксей Янукевіч.

У кампанію «Народны рэферэндум» уваходзяць Партыя БНФ, кампанія «Гавары праўду», рух «За Свабоду» і Беларуская сацыял-дэмакратычная партыя (Грамада). 

Янукевіч паведаміў, што планавалася назваць сумеснага кандыдата ў прэзідэнты ад кампаніі ў сярэдзіне сакавіка. Аднак гэта перанесена, хутчэй за ўсё, на сярэдзіну красавіка. Паводле яго слоў, ёсць папярэдні спіс, з якога будзе выбраны сумесны кандыдат. 

З вялікай доляй верагоднасці гэтым сумесным кандыдатам не будзе ніводны з кіраўнікоў структур, якія ўваходзяць у «Народны рэферэндум», падкрэсліў Янукевіч. У спісе два прадстаўнікі Партыі БНФ, у тым ліку намеснік старшыні Рыгор Кастусёў, а таксама першы намеснік старшыні грамадскага аб'яднання «Таварыства беларускай мовы імя Францішка Скарыны» Алена Анісім

Янукевіч паведаміў, што ў папярэднім спісе лідар кампаніі «Гавары праўду» Уладзімір Някляеў. Аднак, паводле слоў старшыні Партыі БНФ, Някляеў, верагодна, не будзе ўдзельнічаць у прэзідэнцкіх выбарах у якасці кандыдата паводле сваёй ініцыятывы. 

Лідар руху «За Свабоду» Аляксандр Мілінкевіч не плануе выстаўляць сваю кандыдатуру, бо зрабіў выбар на карысць вылучэння сябе рэктарам Еўрапейскага гуманітарнага ўніверсітэта, сказаў Янукевіч.

0
Кнехт / Адказаць
07.03.2015 / 18:10
КАРЫКАТУРЫ Ну, пасмяшыце ўжо людзей, Заклічце іх да урнаў. Няхай чарговы раз зладзей Нас здзелае "культурна". І ў падмурку той "культуры" - Вашых дзьве карыкатуры.
0
Туш / Адказаць
07.03.2015 / 18:14
Э, я не зразумеў ! Ужо ж дамовіліся, што альбо Статкевіч, альбо байкот ! Што за мышыная валтузня пачынаецца ? Якія кастусевы ? Вы пра што, хлопцы ? Нейкія КДБэшныя гульні . Статкевіч, альбо байкот ! Статкевіч, альбо байкот ! Статкевіч, альбо байкот !
0
Леся / Адказаць
07.03.2015 / 18:25
Кнехт, аплодирую! Кратко и информативно.
Паказаць усе каментары/ 41 /
Каб пакінуць каментар, калі ласка, актывуйце JavaScript у наладах свайго браўзеру