08.03.2015 / 19:41

На Чыжоўскім вадасховішчы патануў рыбак 1

Для двух чалавек няўдала завяршылася рыбалка 8 сакавіка на Чыжоўскім вадасховішчы.

Паводле словаў прэс-сакратара Мінскага гарадскога ўпраўлення МНС Віталь Дэмбоўскі, паведамленне пра двух мужчын, якія праваліліся пад лёд у акваторыі Чыжоўскага вадасховішча, паступіла ратавальнікам у 16:53. Пасля прыбыцця да месца выкліку супрацоўнікі МНС убачылі чалавека, які паступова апускаўся пад лёд. Мужчыну 1963 г. н. дасталі з-пад вады, з агульным пераахаладжэннем арганізма шпіталізаваны ў 10-ю бальніцу.

У 17:40 вадалазы знайшлі другога мужчыну на глыбіні каля 3,5 м у беспрытомнасці. Медыкі канстатавалі яго смерць.

МНС нагадвае, што ў сувязі з цёплым надвор'ем выхад на лёд вельмі небяспечны і просіць ўстрымацца ад гэтых дзеянняў.

Сёння ў Мінску было +8 цяпла.

0
Вадим / Адказаць
08.03.2015 / 21:42
Каждый год одно и тоже, это за пределами всякого понимания - на улице давно +, а на льду люди.
Каб пакінуць каментар, калі ласка, актывуйце JavaScript у наладах свайго браўзеру