08.03.2015 / 22:33

Дэкрэт аб «дармаедах» (стымуляванні грамадзян) у найбліжэйшы час прадставяць Лукашэнку 12

Пра гэта ў інтэрв'ю тэлеканалу «Беларусь 1» заявіла намеснік прэм'ер-міністра Беларусі Наталля Качанава.

«Дакумент практычна ў стадыі завяршэння. Ён дапрацоўваецца і ў бліжэйшы час будзе прадстаўлены кіраўніку дзяржавы», — сказала віцэ-прэм'ер.

Яна адзначыла, што сёння ў Беларусі вялікая ўвага надаецца сацыяльнай палітыцы. Разам з тым, многія недаацэньваюць усяго таго, што робіць дзяржава. «Я лічу, што кожны грамадзянін нашай краіны павінен удзельнічаць у пакрыцці тых выдаткаў, якія дзяржава накіроўвае на сацыяльную сферу», — выказала свой пункт гледжання віцэ-прэм'ер.

Адказваючы на пытанні карэспандэнта тэлеканала, Наталля Качанава, у прыватнасці, адзначыла, што сёння ў Беларусі не разглядаецца пытанне аб павелічэнні пенсійнага ўзросту.

«Вы ведаеце падыходы нашага кіраўніка дзяржавы Аляксандра Лукашэнкі, які адназначна сказаў, што пераглядацца ў цяперашні час гэтае пытанне не будзе», — сказала віцэ-прэм'ер, адзначыўшы, што пакуль сітуацыя не крытычная, яна пад кантролем. Такім чынам, неабходнасці перагляду пенсійнага ўзросту пакуль няма.

0
:))) / Адказаць
08.03.2015 / 22:40
заранее вопрос к лукашенко: о стимулировании "через что"?
0
Угу / Адказаць
08.03.2015 / 22:47
Наталля, дзякуй, мы вельмі добра ведаем "падыходы нашага кіраўніка дзяржавы Аляксандра Лукашэнкі".
0
Интересно / Адказаць
08.03.2015 / 22:57
Снимаете с "довольствия" ???? А не боитесь ????
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру