14.03.2015 / 14:02

Беларускія правайдары з 1 студзеня 2016 года будуць захоўваць усю гісторыю прагляду сайтаў карыстальнікамі дапоўнена 25

У Беларусі зацверджана інструкцыя аб парадку фарміравання і захоўвання звестак аб інфармацыйных рэсурсах, якія праглядаюцца карыстальнікамі інтэрнэт-паслуг.

Гэта прадугледжана пастановай Міністэрства сувязі і інфарматызацыі Беларусі №6 ад 18 лютага, якое афіцыйна апублікавана сёння на Нацыянальным прававым інтэрнэт-партале, паведамляе БелТА.

Правайдары будуць захоўваць наступную інфармацыю пра карыстальнікаў, уключаючы фізічных асоб, у тым ліку індывідуальных прадпрымальнікаў: нумар і дату заключэння дамовы на аказанне паслуг электрасувязі; прозвішча, уласнае імя, імя па бацьку (калі ёсць); адрас карыстальніка або адрас ўстаноўкі канцавога абаненцкага абсталявання (тэрмінала); дадзеныя, якія дазваляюць вызначыць (ідэнтыфікаваць) карыстальніка інтэрнэт-паслуг або яго канцавое абаненцкае абсталяванне (тэрмінал); МАС-адрас альбо ідэнтыфікацыйны нумар канцавога абаненцкага абсталявання (тэрмінала) карыстальніка інтэрнэт-паслуг сотавай рухомай электрасувязі; для абанентаў сеткі сотавай рухомай электрасувязі — рэквізіты дакумента, які сведчыць асобу (яго назва, серыя, нумар, дата выдачы і назва дзяржаўнага органа, які выдаў дакумент).

У дачыненні да юрыдычных асоб будуць захоўвацца звесткі аб нумары і даце заключэння дагавора на аказанне паслуг электрасувязі; назва (фірмовая назва) юрыдычнай асобы, яе юрыдычны адрас; адрас ўстаноўкі канцавога абаненцкага абсталявання (тэрмінала) карыстальніка інтэрнэт-паслуг; дадзеныя, якія дазваляюць вызначыць (ідэнтыфікаваць) карыстальніка інтэрнэт-паслуг або яго канцавое абаненцкае абсталяванне (тэрмінал); МАС-адрас альбо ідэнтыфікацыйны нумар канцавога абаненцкага абсталявання (тэрмінала) карыстальніка інтэрнэт-паслуг сотавай рухомай электрасувязі.

Акрамя таго, будуць захоўвацца звесткі пра ўсе паслугі электрасувязі, актываваныя карыстальнікам інтэрнэт-паслуг, а таксама дата, час пачатку і заканчэння злучэнняў, унутраны і знешні IP-адрасы і парты канцавога абаненцкага абсталявання (тэрмінала), даменнае імя або IP-адрас і порт наведанага карыстальнікам інтэрнэт-паслуг інтэрнэт-рэсурсу, аб'ём перададзеных і прынятых дадзеных.

Пастаўшчыкі інтэрнэт-паслуг забяспечваюць захоўванне актуальных звестак аб наведаных карыстальнікамі інтэрнэт-паслуг інфармацыйных рэсурсах на працягу аднаго года з дня аказання інтэрнэт-паслуг.

Пастанова ўступае ў сілу з 1 студзеня 2016 года.

0
Лабус / Адказаць
14.03.2015 / 14:13
Дожили. Теперь при приеме на гос.службу будут досье заводить, и проверять типа "А где ты бал 19декабря 2010года?"
0
knot / Адказаць
14.03.2015 / 14:14
Здравствуй, Большой Брат!
0
Правядзі Правайдзера / Адказаць
14.03.2015 / 14:16
Значыт могуць? Во цуд цывілізацыі: раней яны падглядвалі ў шчылінку для сябе, а цяпер афіцыйныя даклады будуць пісаць. Пэўна, да 2037 году. А там і 10 гадоў расстрэлу цераз павешаньне.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру