28.01.2008 / 12:45

Касьянава не дапусьцілі да выбараў 5

Цэнтральная выбарчая камісія Расеі адмовіла ў рэгістрацыі кандыдату ад апазыцыі на выбарах прэзыдэнта Міхаілу Касьянаву.


Міхаіл Касьянаў

Цэнтральная выбарчая камісія Расеі адмовіла ў рэгістрацыі кандыдату ад апазыцыі на выбарах прэзыдэнта Міхаілу Касьянаву. У ЦВК патлумачылі, што падставай для адмовы ў рэгістрацыі Касьянава стала вялікая колькасьць недакладных і несапраўдных подпісаў. Іх налічылі больш за 13 адсоткаў, што амаль удвая перавышае дапушчальны адсотак браку.

«Няма сумневаў, што рашэньне не рэгістраваць маю кандыдатуру, як і ўсе важныя палітычныя рашэньні ў сыстэме «вэртыкалі», прымаліся асабіста Ўладзімерам Пуціным, — гаворыцца ў афіцыйным звароце экс‑прэм’ера Расеі. — Асновы канстытуцыйнага ладу растаптаныя цалкам. Краіна рухаецца ў таталітарны тупік».

Выбары, якія маюць прайсьці ў Расеі 2 сакавіка, Міхаіл Касьянаў называе фарсам:

«2 сакавіка — гэтая падзея ня ёсьць выбарамі прэзыдэнта Расеі. Заклікаю прыхільнікаў, паплечнікаў, грамадзян ня ўдзельнічаць у іх».

Адмову Цэнтарвыбаркаму зарэгістраваць Міхаіла Касьянава кандыдатам у прэзыдэнты амэрыканскі Белы Дом назваў унутранай справай Расеі.

Паводле «Радио Свобода», «Эхо Москвы»

Фота photo.bymedia.net

0
TT / Адказаць
28.01.2008 / 13:36
Что и следовало ожидать. И реакция Белого Дома говорит только об одном - это одна банда-лейка.
0
TT / Адказаць
28.01.2008 / 13:44
Касьянов: «Страна окончательно встала на скользкий путь воровского тоталитаризма с несменяемой и нелегитимной властью».
0
Кнехт / Адказаць
28.01.2008 / 22:41
КДБ - караючы меч Камуністычнай партыі СССР прыстаўлены да горла Расіі. За што караюць Расію на гэты раз?
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру