28.01.2008 / 17:23

Мы прыйшлі, а іх няма 2

Сёньня апоўдні каля Кастрычніцкай плошчы за Палацам Рэспублікі зьявілася некалькі спэцназаўскіх машынаў і аўтобусаў. Спэцназ чакаў чарговай акцыі прадпрымальнікаў.

Сёньня апоўдні каля Кастрычніцкай плошчы за Палацам Рэспублікі зьявілася некалькі спэцназаўскіх машынаў і аўтобусаў. Спэцназ чакаў чарговай акцыі прадпрымальнікаў.

Па ўсім, праваахоўныя органы рыхтаваліся да чарговай акцыі пратэсту прадпрымальнікаў. Але тыя пратэставаць не прыйшлі. Хутчэй за ўсё, такім чынам улады адрэагавалі на адзін з выступаў падчас прадпрымальніцкага мітынгу 21 студзеня.

Тады прагучаў заклік выйсці на Кастрычніцкую плошчу 28 студзеня а 12‑й гадзіне. Але потым прадпрымальнікі ўсё перайгралі і спыніліся на даце 18 лютага.

Cупрацоўнік аддзела інфармацыі і грамадскіх сувязяў ГУУС Мінгарвыканкаму Яўген Сачак у інтэрв’ю Рацыі заявіў, што прысутнасць праваахоўнікаў і спецтэхнікі абумоўлена «службовай неабходнасцю».

Вадзім Доўнар, Радыё Рацыя

0
Вясёлы хлопец / Адказаць
29.01.2008 / 11:30
Облом)))
0
Vitaj / Адказаць
29.01.2008 / 16:57
Вось гэта дык флэшмоб-наадварот! Малайцы!!!!
Каб пакінуць каментар, калі ласка, актывуйце JavaScript у наладах свайго браўзеру