Міністэрства юстыцыі Беларусі рыхтуецца прад’явіць іскі польскім органам улады наконт урону, панесенага беларускім бокам у сувязі з забастоўкай польскіх мытнікаў. Аб гэтым заявіў сёння журналістам, адказваючы на пытанне карэспандэнта БЕЛТА, намеснік міністра юстыцыі Беларусі Ігар Тушынскі.
«Ідзе прапрацоўка фактуры панесенега ўрону, але ўжо цяпер відавочна, што парушаны як мінімум тры пагадненні Беларусі і Польшчы», — сказаў намеснік міністра.
Ён растлумачыў, што непасрэдны ўрон панеслі перавозчыкі. Паводле даных Ігара Тушынскага, урон ад сутак прастою аднаго велікагрузнага аўтамабіля складае амаль $300.
Урон таксама нясе дзяржава як суб’ект міжнароднага права з прычыны таго, што Польшча не выконвае адпаведнае пагадненне, сказаў намеснік міністра.
«Акрамя таго, атрымальнік грузу можа адмовіцца ад паслуг перавозчыка, і перавозчык страціць рынак», — дадаў Ігар Тушынскі.
«Дзіўна, што Еўрапейскі саюз не змог прадухіліць гэту сітуацыю», — адзначыў ён.
