28.03.2015 / 15:08

Мемарыял на месцы гібелі Барыса Нямцова адноўлены 1

На месцы гібелі палітыка Барыса Нямцова на Вялікім Маскварэцкім мосце ў Маскве зноў з'явіліся кветкі, плакаты і свечкі.

У ноч на 28 сакавіка мемарыял быў знішчаны. Усе кветкі і фатаграфіі, пакінутыя на месцы гібелі палітыка, былі прыбраныя.

Пасля таго, як стала вядома аб ліквідацыі мемарыяла, у сацсетках з'явіліся шматлікія заклікі прынесці новыя кветкі на месца гібелі палітыка. Тым, хто знаходзіцца не ў Маскве, прапануецца замовіць і адправіць кветкі на Вялікі Маскварэцкі мост праз фларыстычную кампанію.

Заклік прынесці кветкі на месца забойства Нямцова, у ліку іншых, апублікаваў заснавальнік «Коммерсанта» Уладзімір Якаўлеў на старонцы свайго новага праекту «Мулбабар».

0
Назіральнік / Адказаць
28.03.2015 / 16:07
Месца развітання i сустрэчы Час абавязковага спаткання Вочы ў вочы, фатаграфіі і свечы Сутнасць на ўзроўнi адчуванняў
Каб пакінуць каментар, калі ласка, актывуйце JavaScript у наладах свайго браўзеру