11.04.2015 / 12:11

Як правільна красіць яйкі на Вялікдзень 11

Традыцыйна яйкі фарбуюць у цыбулевым шалупінні. Ад яе колькасці залежыць інтэнсіўнасць колеру пафарбаваных яек — ад аранжава-бежавага да насычанага бура-чырвонага.

Шалупінне жоўтай цыбулі (5—10 жменяў) замачыць на ноч. Яйкі перад афарбоўкаю пажадана памыць мыльным растворам або працерці воцатам, каб больш раўнамерна афарбаваць.

Для нанясення ўзору можна прыкласці галінкі або лісцікі раслінаў.

Пасля, змясціўшы яйка ў капрон або бінт (у адзін слой), моцна завязаць канцы ніткаю. Для атрымання карункавага ўзору можна загарнуць яйка ў карункі, а для атрымання палосак — абкруціць ніткамі.

Прыгатаваныя такім чынам яйкі пакласці ў каструлю з шалупіннем, зварыць у крутую (10–15 хвілін на малым агні) і пакінуць у шалупінні, пакуль не астынуць. Каб атрымаць больш насычаны колер, можна пакінуць яйкі ў шалупінні на некалькі гадзінаў. Пасля таго, як пафарбаваныя яйкі абсохнуць, можна нацерці іх алеем, каб яны блішчалі.

Шалупінне фіялетавай цыбулі пафарбуе яйкі ў бура-чорны колер.

Каб пафарбаваць яйкі ў сіні колер, неабходна заліць вадою парэзаную на вялікія кавалкі чырвонакачанную капусту (1 качан), дадаць 3–5 л. солі (у залежнасці ад колькасці яек) і варыць 15–20 хвілінаў, працадзіць.

Дадаць да атрыманага адвару 3–5 ст. л. воцату, фарбаваць загадзя звараныя яйкі, пакінуўшы іх у адвары на 15–30 хвілінаў, каб атрымаўся блакітны колер або на некалькі гадзінаў — для сіняга колеру.

Каб атрымаць карычневы колер, адварыць яйкі ў вельмі моцнай заварцы чорнай гарбаты (8–10 пакецікаў на шклянку вады) з 3–5 ст. л. солі.

Дадаць 3 ст. л. воцату, пакінуць яйкі ў заварніку на некалькі гадзінаў. У карычневы колер пафарбуе яйкі і насычаны адвар з 2—4 буракоў, да якога дададзены соль і воцат.

Каб атрымаць жоўты колер, неабходна адварыць яйкі з 3 ст. л. куркумы або 1–2 ч. л. шафрана і 3–5 ст. л. солі.

Дадаць 3—5 ст. л. воцату, пакінуць яйкі астываць у растворы да набыцця жаданага колеру, прамыць, высушыць.

Каб атрымаць зялёны колер, неабходна пафарбаваць яйкі ў куркуме і шафране, а пасля трымаць у адвары з чырвонай капусты да атрымання жаданага колеру.

0
:) / Адказаць
04.04.2015 / 10:06
наконт афарбоўкі - тугая чырвань... але гэта няважна - важна, каб ня проста яйкі былі... - важна, каб яны былі мацакамі... каб можна было памерыцца ) Мацакі могуць быць толькі ад вольных птахаў... - у інкубататараў мацакоў няма... зато яны красіва яйцы фарбуюць )
0
пынчук / Адказаць
04.04.2015 / 10:35
Нашто гэтулькі мороки?! Бэрэтэ цыбульнік, заліваетэ ёго у горшчку водою, кладэтэ яйкі і готуетэ. А коб тэмны колер був, хай полыжать у тым цыбульныку, покуль ны остынэ, дай годэ!
0
і'шчэ удын пынчук / Адказаць
04.04.2015 / 11:33
Нашчо гэтулькі морокі?! Бырытэ цыбульнык, залывайітэ юго в гуршку вудою, кладытэ яйца і гутуйітэ. А шоб тэмны колэр був, хай пулыжать в тому цыбульныку, пукуль ны устынэ, дай годы!
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру