07.04.2015 / 18:53

80 год таму у СССР дазволілі расстрэльваць з 12-гадовага ўзросту ФОТАФАКТ 10

А 5 год таму з гэтай нагоды з «Эхом Москвы» судзіўся ўнук Сталіна.

«Непаўнагадовых, пачынаючы з 12-гадовага ўзросту, злоўленых на здзяйсненні крадзяжоў, учыненні гвалту, цялесных пашкоджанняў, у забойстве ці спробах забойства, прыцягваць да крымінальнага суду ў ужываннем усіх мер крымінальнага пакарання», — кажа пастанова ад 7 красавіка 1935 года, падпісаная Калініным і Акулавым.

Усе меры пакарання ўключалі і расстрэл.

Блогер пад нікнэймам Man With Dogs у 2010 годзе сабраў факты пра забойствы непаўнагадовых у СССР.

Тады, у 2010 годзе, падборка была асабліва актуальнай — унук Сталіна Яўген Джугашвілі судзіўся з радыёстанцыяй «Эхо Москвы». Нагодай для суду стала фраза вядоўцы ў эфіры: «Сталін падпісаў загад, што можна расстрэльваць дзяцей з 12-гадовага ўзросту». Унук Сталіна сцвярджаў, што яго дзядуля не падпісваў такі загад.

Хаця подпісу Сталіна на дакуменце і праўда не было, суд адмовіў Яўгену Джугашвілі ў кампенсацыі шкоды. Вядома, што такая пастанова не магла быць прынятай без ведама Сталіна — напісаныя яго рукой праўкі былі знойдзеныя на праекце пастановы.

***

Колькасць ахвяр сталінскіх рэпрэсій, у лік якіх уключаюць і неабгрунтавана жорстка пакараных, застаецца невядомай. Розныя даследчыкі называюць лічбы ад 10 да 40 млн чалавек.

Аляксандр Арсёнаў

0
Scooter / Адказаць
07.04.2015 / 19:01
А колькі ў рэальнасьці (хаця б прыблізна) было расстраляна 12-18 гадовых паводле гэтай пастановы?
0
спаЛОХаны? / Адказаць
07.04.2015 / 19:55
«Аб задачах Наркамюста ва ўмовах новай эканамічнай палітыкі». ПІСЬМО Д. І. КУРСКАМУ Копіі: 1) Молатаву для членаў Палітбюро 2) А. Д. Цюрупу 3) Рыкаву (калі прыедзе) 4) т. Енукідзе для членаў Прэзідыума ВЦВК. З асаблівай просьбай: не размнажаць, толькі паказваць пад распіску, не даць разбалбатаць, не выбалбатаць перад ворагамі. 20 II .1922. т. Курскі! Дзейнасць Наркамюста, відаць, зусім яшчэ не прыстасавана да новай экапамічнай палітыкі. …А дзе шум наконт узорных працэсаў супраць нягоднікаў, якія злоўжываюць новай эканамічнай палітыкай? Гэтага шуму няма, бо гэтых працэсаў няма. НКЮст «забыў», што гзта яго справа,– што не змагчы падцягнуць, узварухнуць, ператрэсці нарсуды і навучыць іх караць бязлітасна, аж да расстрэлу, і хутка за злоўжыванні новай эканамічнай палітыкай, гэта абавязак НКЮста. За гэта ён адказвае. Ні КАПЕЛЬКІ ЖЫВОЙ РАБОТЫ з боку НКЮста ў гэтай галіне не відаць, бо яе няма. ……………… Прапаную Вам 1) прачытаць маё пісьмо ўсім членам калегіі НКЮста; 2) таксама — на сходзе чалавек са 100-200 выключна камуністаў, якія практычна працуюць у галіне права грамадзянскага, крымінальнага і дзяржаўнага; 3) забараніць пад страхам партыйнай адказнасці балбатаць аб ім (аб гэтым пісьме), бо ворагам паказваць нашу стратэгію неразумна; 4) дабіцца таго, каб некалькі цалкам згодных з духам гэтага пісьма камуністаў, работнікаў суда і НКЮста, выступілі на гэтыя тэмы з шэрагам артыкулаў у прэсе і з шэрагам публічных рэфератаў; 5) размеркаваць паміж усімі членамі калегіі (а па магчымасці таксама паміж іншымі найбольш віднымі камуністамі, якія працуюць па ведамству НКЮста) адказнасць: (г) за пастаноўку і правядзенне ў названых вышэй цэнтрах узорных, гучных, выхаваўчых працэсаў (д) за дзелавы, а не папяровы кантроль за нарсудамі і рэйтрыбуналамі, каб яны змаглі на справе ўзмацніць рэпрэсію і супраць палітворагаў Савецкай улады (НКЮст будзе першым вінаватым, калі гэта рэпрэсія не ўзмацніцца) і супраць злоўжыванняў нэпа. Старшыня СНК У. Ульянаў (Ленін) Р. S. Ніякага ўпамінання ў друку аб маім пісьме быць не павінна. Няхай, хто хоча, выступае за сваім подпісам, не ўпамінаючы мяне, і як мага больш канкрэтных даных!
0
askrealp / Адказаць
07.04.2015 / 20:07
Першы падпiсант, Калiнiн, нават сваю жонку ( Екатерину Лорберг) трымаŷ у ГУЛАГу.
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру