Расійскі прэзідэнт Уладзімір Пуцін пасля перамоваў з грэцкім прэм'ерам Алексісам Цыпрасам заявіў, што Афіны не звярталіся да Масквы за фінансавай дапамогай.

Аднак, па словах Пуціна, Расія можа даць Грэцыі крэдыты ў рамках сумесных праектаў, у тым ліку ў энергетыцы. Таксама, па словах расійскага прэзідэнта, Масква гатовая інвеставаць у інфраструктурныя праекты Грэцыі, а таксама ўдзельнічаць у тэндэрах па прыватызацыі.
Грэцкі прэм'ер, у сваю чаргу, заявіў, што Афіны маюць права на самастойную знешнюю палітыку, будучы членам ЕС.
Раней у інтэрв'ю агенцтву ТАСС на мінулым тыдні Цыпрас назваў санкцыі супраць Расіі «дарогай у нікуды». Страты Грэцыі ад увядзення Расіяй прадуктовага эмбарга, паводле дадзеных Афін, ацэньваюцца ў 30-35 млн еўра.
Першапачаткова Цыпрас планаваў паехаць з візітам у Расію ў маі, аднак у сярэдзіне сакавіка перанёс перамовы на месяц раней, бо перамовы з ЕС, на думку грэцкага боку на той момант, зайшлі ў тупік. У чацвер, 9 красавіка, Грэцыі трэба будзе пералічыць МВФ чарговы транш у рамках пагашэння знешняга доўгу.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс

«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары