08.04.2015 / 20:43

Археолагі разам з дайверамі даследуюць каля 50 вадаёмаў Беларусі 4

Вучоныя-археолагі Інстытута гісторыі Нацыянальнай акадэміі навук (НАН) Беларусі 7 красавіка заключылі дагавор аб супрацоўніцтве з дайвінг-цэнтрам «Марскі пегас». 

Як паведамілі ў прэс-службе НАН Беларусі, з боку навуковай арганізацыі пагадненне падпісаў кіраўнік Інстытута гісторыі Вячаслаў Даніловіч, з боку дайвінг-цэнтра — дырэктар «Марскога пегаса» Андрэй Ліхачоў. 

Заключэнне гэтага дагавора разглядаецца як «першы крок у справе развіцця айчыннай падводнай археалогіі». Паводле гэтага дакумента, спецыялісты дайвінг-цэнтра будуць абследаваць вадаёмы Беларусі, а таксама дапамогуць перападрыхтаваць маладых гісторыкаў у якасці падводных археолагаў. 

Паведамляецца, што найбліжэйшым часам беларускія дайверы разам з археолагамі Інстытута гісторыі даследуюць прыкладна 50 вадаёмаў, сярод якіх рака Студзёнка (месца пераправы напалеонаўскай арміі), возера Свіцязь. Ёсць прапанова даследаваць нават драўляны вадаправод у Слоніме, частка якога знаходзіцца пад вадой. 

Археолагі спадзяюцца, што пры дапамозе прафесіяналаў з «Марскога пегаса» яны змогуць адшукаць унікальныя прадметы, якія «знойдуць месца ў айчынных музеях». 

Варта адзначыць, што ў 2013 годзе на рэчцы Віхра пад Мсціславам спецыялісты дайвінг-цэнтра «Марскі пегас» разам з магілёўскімі археолагамі паднялі з глыбіні 3,5 метра даспехі рыцара Вялікага Княства Літоўскага ХV стагоддзя.

0
Павал / Адказаць
08.04.2015 / 20:48
Лепей бы даследвалi глыбiню,iхцiафауну,ландшафт i не толькi азёр i рэк таксама i не забывалi за сабою смецце прыбiраць з берагоу
0
NavuchencaBK / Адказаць
14.04.2015 / 10:54
Дзе плацяць, тамака і рубяць
0
NavuchencaBK / Адказаць
14.04.2015 / 11:32
Ведаю папа з Марыі-Магдалены, які з Марскім пегасам двойчы на год лётае па дайв-турах на Чырвонае мора і кудысьці ў ПЎА. Кожны тур больш за дзясятку. А цяперака крызіс, турыкі скараціліся. Вынаходзяць новыя формы заробку. Адні іншых вартыя. Вось і бюджэт дояць ў "самым патрэбным краіне накірунку". Людзі не галадаюць...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру