11.04.2015 / 11:45

У Харкаве знеслі помнікі савецкім правадырам 31

У Харкаве ў ноч на 11 красавіка невядомымі былі знесены тры помнікі: Сярго Арджанікідзэ, Якаву Свярдлову і Мікалаю Рудневу.

Каля дзесяці чалавек у балаклавах чаплялі помнікі тросам, а затым сцягвалі з пастаментаў пры дапамозе мікрааўтобуса.

У Youtube пазней з'явіўся відэазапіс, які суправаджаецца каментаром: «Грамада Харкава прывяла ў дзеянне закон аб асуджэнні камуністычнага рэжыму».

9 красавіка Вярхоўная Рада Украіны прыняла законапраект «Аб асуджэнні камуністычнага і нацыянал-сацыялістычнага (нацысцкага) таталітарных рэжымаў ва Украіне і забароне прапаганды іх сімволікі».

0
belariy / Адказаць
11.04.2015 / 12:08
зараз пачнецца: "вандалы !! нельга так рабіць !! трэба быць цывілізаванымі і талерантнымі !!" пасьля развалу СССР украінская ўлада мела больш за 20 гадоў, каб цывілізавана, талерантна і акуратна зьняць усе гэтыя помнікі і перадаць іх таму, каму яны патрэбныя, напрыклад у расею - там надта любяць усіх гэтых бальшавіцкіх вычварэнцаў. маглі бы ўсё гэта нават вельмі прыгожа зрабіць, з аркестрам, ганаровым каравулам і г.д. але замест гэтага ўлада 20 гадоў займалася тым, што расьпілівала паміж сабой багацьце краіны. таму няма чаго дзівіць, што людзі самі зрабілі тое, што павінна была рабіць дзяржава. так, непрыгожа і неталерантна. затое хутка і эфектыўна. гэта як бы адначасова і намёк для нашай беларускай улады. або гэта зробіце вы, акуратна і цывілізавана. або зробім мы, па-украінску. думайце, пакуль яшчэ ня позна. Слава Украіне.
0
Ales J / Адказаць
11.04.2015 / 12:15
Невядомыя ў балаклавах - гэта былі прарускія правакатары. Яны паспяшаліся прыбраць сваіх ідалаў ціха, без шуму і пылу, бо ўжо паводле прынятага законапраекта «Аб асуджэнні камуністычнага і нацыянал-сацыялістычнага (нацысцкага) таталітарных рэжымаў ва Украіне і забароне прапаганды іх сімволікі» гэтых пачвар, савецкіх правадыроў, павінны былі збіць з іх высокага п’едысталу публічна, з палымянымі словамі аратараў і пад пырскі шампанскага.
0
Fedor / Адказаць
11.04.2015 / 12:33
Чем то напоминает исламских фанатиков, уничтожающих будд в Афганистане
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру