17.04.2015 / 22:41

У Расіі сісадміна-беларуса зняволілі за заклікі да вяртання Крыма і супраціву расійскай агрэсіі 33

Маскоўскі акруговы вайсковы суд прысудзіў да двух гадоў калоніі-пасялення 22-гадовага грамадзяніна Беларусі, які працаваў сістэмным адміністратарам на адным з заводаў у Ніжнім Ноўгарадзе. Пра гэта паведамляюць рэгіянальныя СМІ.

Малады чалавек быў прызнаны вінаватым па артыкуле «публічнае апраўданне тэрарызму ці публічныя заклікі да яго», якая прадугледжвае да пяці, а ў выпадку выкарыстання СМІ — да сямі гадоў калоніі.

Як сцвярджаецца, у кастрычніку 2014 сісадмін публікаваў на сваёй старонцы ў сацсетцы тэксты і малюнкі, накіраваныя супраць расейскай агрэсіі на Украіне. У прыватнасці, заяўляе пракуратура, ён заклікаў «забіваць маскалёў» і «вярнуць Крым Украіне». Сярод фота, змешчаных на старонцы, была выява ўкраінскага салдата, які рве расійскі сцяг і топча герб.

Ці прызнаў падсудны сваю віну, не ўдакладняецца. Відаць, не прызнаў, інакш бы гэта канечне ўказалі б.

«Наша Ніва» шукае дадатковую інфармацыю пра гэтую справу.

0
belariy / Адказаць
17.04.2015 / 14:51
ён бы яшчэ на вуліцу там выйшаў і стаў уголас заклікаць да вяртаньня Крыма. ты ж думай, дзе ты знаходзішся.
0
Тарайкевіч / Адказаць
17.04.2015 / 15:02
А дзе імя і адрас зоны???
0
лабус / Адказаць
17.04.2015 / 15:22
belariy, А ци бачыу ты як расейцы сябе паводзяць на Беларуси? Дык па тваёй лёгицы усих их трэ за краты. Але не, нашы улады их сустракаюць як гаспадароу. Расея руки прэч ад Беларуси.
Паказаць усе каментары/ 33 /
Каб пакінуць каментар, калі ласка, актывуйце JavaScript у наладах свайго браўзеру