 З. Жалезьнічэнка |
Зьміцер Жалезьнічэнка расказаў карэспандэнтцы прэсавай службы moladz.pbnf.org пра апошнія навіны свайго побыту ў войску.
«Нейкая дзіўная санчастка, усё робіш сам: за ежай сам ходзіш, прыбіраеш сам, і нават начныя дзяжурствы ёсьць. Добра, што пастраеньняў няма. Адчуваеш сябе аднчасова і хворым і не хворым», — кажа Зьміцер.
На пытаньне пра ўзаемадачыненьні з салдатамі, Зьміцер распавёў, што днямі прыходзіў дэмбель, якому засталося служыць зусім ня шмат, і прасіў зрабіць фатаздымак са Зьмітром на памяць.
Што тычыцца афіцэрскага складу Жлобінскай вайсковай часткі Зьміцер Жалезьнічэнка паведаміў наступнае:
«Некаторыя афіцэры размаўляюць са мной па‑беларуску, загадаў пакуль не было, бо я знаходжуся ў санчастцы. Усе паперы ад кіраўніка часткі выключна на беларускай мове, яны перакладаюць. Відавочна, што афіцэры на месцы баяцца ў адрозьненьні ад Мінстра абароны, таму і спрабуюць дагадзіць і вашым і нашым, вядуць сябе ветліва са мною.»
Зьміцер, на які дзень заплянаваная прысяга?
«Прысяга мае адбыцца ў наступную нядзелю, але я буду прасіць адтэрміноўку, бо яшчэ не прайшоў усе інстанцыі па аднаўленьні ва ўніверсітэце», — паведаміў Зьміцер.
Зьміцер выказаў падзяку за падтрымку, за ўвагу, за вылучэньне яго на міжнародную Студэнцкую прэмію.
«Буду пісаць начальніку часткі, каб адпусьціў у Нарвэгію за ўзнагародай, калі мяне выбяруць», — жартуе Зьміцер.
