Мінгарвыканкам даў дазвол на правядзенне 26 красавіка акцыі «Чарнобыльскі шлях», паведаміў адзін з ініцыятараў мерапрыемства старшыня Партыі БНФ Аляксей Янукевіч.
Заяўнікі акцыі — Янукевіч, сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі, першы намеснік старшыні руху «За Свабоду» Юрый Губарэвіч, намеснік старшыні Беларускай партыі «Зялёныя» Дзмітрый Кучук і актывіст руху салідарнасці «Разам» Ілья Дабратвор — былі праінфармаваныя пра адпаведнае рашэнне 17 красавіка ў Мінгарвыканкаме.
Янукевіч зазначыў, што ўлады крыху скарэктавалі час правядзення акцыі, скараціўшы ўдвая час збору яе ўдзельнікаў. Такім чынам, «Чарнобыльскі шлях» дазволены ў наступным фармаце: збор каля кінатэатра «Кастрычнік» з 14.00 да 14.30, шэсце да 16 гадзін па вуліцы Сурганава да царквы ў гонар абраза Божай Маці «Спатоленне загінулых», размешчанай побач з паркам Дружбы Народаў.
Мітынг сёлета ініцыятары акцыі вырашылі не праводзіць. Такое рашэнне арганізатары растлумачылі тым, што ў мінулыя гады міліцыя не дазваляла праносіць на мітынг гукаўзмацняльную апаратуру, а само месца правядзення мітынгу было абгароджанае, і не ўсе ўдзельнікі мерапрыемства жадалі праходзіць працэдуру надгляду.
«Шынвізэ — кончаны садыст». Адзін з адыёзных начальнікаў калоніі Бабруйска перабраўся ў Германію28
Каментары