Пра гэта прадстаўніца Случчыны заявіла ў эфіры беларускага тэлеканала.(Гл. з 7.20 хвіліны сюжэта.)

У чацвер, 30 красавіка, адзін з тэлесюжэтаў так і гучаў: «Пасланне прэзідэнта: асноўныя тэзісы, каментары экспертаў». У прыватнасці абмяркоўвалася і тэма сацыяльнага развіцця (у тым ліку павышэння нараджальнасці і працягласці жыцця).

Інэса Кляшчук, дэпутат палаты прадстаўнікоў нацыянальнага сходу Рэспублікі Беларусь: «Калі прааналізаваць, на чым акцэнтаваў увагу прэзідэнт, то самы ідэальны варыянт - гэта сям'я, у якой трое дзяцей, у якой добра працуюць, і пры гэтым яны выхоўваюць сапраўдных патрыётаў нашай краіны. Я для сябе паставіла задачу нарадзіць траіх дзяцей».

Кляшчук Інэса Анатолеўна нарадзілася 26 жніўня 1978 у в. Гольчыцы Слуцкага раёна Мінскай вобласці.

Адукацыя вышэйшая - скончыла Беларускі дзяржаўны педагагічны ўніверсітэт ім. М. Танка, настаўнік матэматыкі з дадатковай спецыяльнасцю «Інфарматыка», Акадэмію кіравання пры прэзідэнце Рэспублікі Беларусь па спецыяльнасці «Дзяржаўнае і мясцовае кіраванне».

Працавала настаўнікам матэматыкі і інфарматыкі ў Вясейскай і Бокшыцкай сярэдніх школах Слуцкага раёна Мінскай вобласці,

першым сакратаром Слуцкага раённага камітэта грамадскага аб'яднання «Беларускі рэспубліканскі саюз моладзі»,

першым сакратаром Слуцкага гарадскога камітэта грамадскага аб'яднання «Беларускі рэспубліканскі саюз моладзі».

Хочаш падзяліцца важнай інфармацыяй ананімна і канфідэнцыйна?