01.05.2015 / 19:18

Вялізныя чэргі на беларуска-літоўскай мяжы 3

Па стане на 14.00 1 мая 2015 года ў «Каменным Логу» на выезд з Беларусі чакалі ў чарзе 190 легкавых аўтамабіляў і 100 грузавых аўтамабіляў, у «Катлоўцы» - 110 легкавых і 120 грузавых. Больш спакойная сітуацыя ў пункце пропуску «Беняконі» - 50 легкавых і 40 грузавых аўтамабіляў.

Як паведаміў Auto.Tut.by прэс-сакратар Дзяржпагранкамітэта Беларусі Аляксандр Цішчанка, узрослая плынь аўтатранспарту з Беларусі ў Літву звязаны з майскімі святамі, а таксама музычным фестывалем «Belarus Alternative 2015», што праходзіць у Вільні.

«Для паездкі на фэст беларусам не трэба было атрымліваць візу - толькі прад'явіць білет. Многія скарысталіся прадстаўленай магчымасцю, тым больш - наперадзе тры выходныя», - растлумачыў прадстаўнік ДПК.

Па словах Аляксандра Цішчанкі, Дзяржпагранслужба прыкладае ўсе намаганні, каб справіцца з плынню машын. «Рэкамендуем кіроўцам выбіраць маршруты руху з улікам аператыўных звестак, з якімі можна азнаёміцца на нашым сайце, або патэлефанаваць на гарачую лінію ДПК. Да таго ж якраз сёння мы пачалі тэставаць сістэму электронных чэргаў - яна дазволіць не стаяць у чарзе, а перасекчы мяжу, прыехаўшы да вызначанага часу», - параіў ён.

Нагадаем, беларускія памежнікі запусцілі сэрвіс электроннага браніравання чаргі: цяпер прайсці мяжу можна ў загадзя запланаваны час, без сюрпрызаў і чэргаў. Эксперымент па функцыянаванні сістэмы электроннай чаргі праводзіцца ў пункце пропуску «Каменны Лог».

Інфармацыя пра чэргі ў пунктах пропуску праз дзяржаўную мяжу абнаўляецца на інтэрактыўнай карце кожныя дзве гадзіны. У Дзяржпагранкамітэце рэкамендуюць кіроўцам выбіраць маршруты руху з улікам аператыўных дадзеных.

Тэлефон гарачай линіі ДПК: +375 (17) 216-26-12

0
Mur / Адказаць
01.05.2015 / 20:30
Ну калі ўжо мы зруйнуем гэты мур паміж Эўропай і збудуем гэты мур на Ўсходзе?!... Дыктатар зыходзь!
0
NavuchencaBK / Адказаць
01.05.2015 / 22:01
Статак заўсёды ёсьць статкам. За гэткі час стаяньня можна праз Верхнедзьвінск і расейска-латвійскую мяжу адмахаць на беларускім паліве залішнія амаль 400 км. і апусьціцца па мапе да Вільні і яшчэ пасьнедаць па дарозе. А паліва з беларуска-расейскіз калёнак хопіці і тамака пакатацца і, вярнуўшыся, застанецца. Але ў стаку свае ня сьмердзіць, так?
0
стас / Адказаць
02.05.2015 / 16:15
Учора а 14й гадзiне были на п/п Пясчатка.прайшлi усе за 2 гадзiны, чарга зусiм невялiкая была
Каб пакінуць каментар, калі ласка, актывуйце JavaScript у наладах свайго браўзеру