З такім заклікам расейскі пісьменьнік выступіў на старонках свайго жывога часопісу. «Падтрымка палітвязьня (а гэта, без сумневу, акурат той самы выпадак) ніколі не бывае лішняй. Як засьведчыла гісторыя з Алексанянам, гэта прыносіць вынік. Паспрабуем?»», - піша ён.
«Я разумею, што на тле нашай гісторыі з Алексанянам усё гэта гучыць досыць побытава, але тым ня менш. У Менску сядзіць у СІЗА Андрэй Кім — актывіст моладзевага руху «Ініцыятыва», сябар маёй дачкі і проста вельмі добры хлопец» — піша ў сваім дзёньніку Віктар Шэндэровіч.
Шандаровіч характарызуе Кіма наступным чынам: «З Андрэем я пазнаёміўся, калі яму было сямнаццаць год. Чалавек у гэтым узросьце часта выклікае сымпатыю — павагу выклікае нашмат радзей. Андрэй адразу выклікаў павагу: разумны, дарослы, адказны. Моцны і цэласны, што ва ўмовах бацькавай Беларусі значна падвышае ўзровень небясьпекі».
«Падтрымка палітвязьня (а гэта, без сумневу, акурат той самы выпадак) ніколі не бывае лішняй. Як засьведчыла гісторыя з Алексанянам, гэта прыносіць вынік. Паспрабуем?» — заклікаў напрыканцы запісу публіцыст.
Запіс В. Шэндэровіча з заклікам дапамагчы Андрэю Кіму патрапіў у Топ-30 Яндэкса.
Нагадаем, што ў дачыненьні да Андрэя Кіма заведзена крымінальная справа паводле арт. 364 КК РБ («гвалт, альбо пагроза гвалту ў адносінах да работніка міліцыі»). Нібыта Андрэй падчас мітынгу прадпрымальнікаў 21 студзеня ўдарыў супрацоўніка ДАІ кулаком у твар і расьсек таму брыво да крыві. Яму пагражае да 6 гадоў турмы. Хлопец знаходзіцца ў сьледчым ізалятары на Валадарскага.
Цяпер чытаюць
Беларусам стала складаней легалізавацца ў Польшчы — там больш не прымаюць выдадзеныя ў БССР дакументы і патрабуюць апастылі40
Каментары