08.02.2008 / 19:07

У Беларусі перахварэлі на грып паўмільёна чалавек 1

Пра гэта паведамілі ў Рэспубліканскім цэнтры гігіены і эпідэміялогіі.

Каля паўмільёна чалавек перахварэлі на грып альбо яшчэ хварэюць у Беларусі. Пра гэта Еўрарадыё паведамілі ў Рэспубліканскім цэнры гігіены і эпідэміялогіі.

Пра асаблівасць захворванняў сёлетняй зімой гаворыць загадчыца аддзяленнем імунапрафілактыкі Вераніка Шымановіч:

«Сёлета ідзе цыркуляцыя віруса, аналагічнага мінулагодняму. У тых людзей, якія перахварэлі летась, ёсць імунітэт. Гомельская вобласць перахварэла летась, там шмат людзей хварэла, асабліва ў Рэчыцы. А сёлета Гомельская вобласць у нас спакойная. А вось у Гродна ў нас адваротная карціна».

Нагадаем, эпідэмія пачалася ў студзені з Ліды і Гродна. Цяпер захворванні там, а таксама ў Брэсце, пайшлі на спад. У Мінскай вобласці пачалі хварэць жыхары Нясвіжскага, Мядзельскага раёнаў, а таксама горада Маладзечна.

Паводле словаў Веранікі Шымановіч, пра далейшае развіццё сітуацыі з эпідэміяй грыпу можна будзе сказаць толькі праз тыдзень. Эпідэміолагі кажуць, што ўсё залежыць ад Віцебскай і Гомельскай абласцей, у якіх пакуль «спакойна». Калі гэтая сітуацыя не зменіцца, тады можна будзе сказаць, што грып у Беларусі фактычна «пераможаны», да наступнай зімы.

Эўрарадыё

0
Таня / Адказаць
09.02.2008 / 01:26
Я i дачка на грып не хварэем ужо 6 гадоу. Ад пачатку загартовак. Калi абвяшчаюць эпiдэмiю, гартавальныя працэдуры узмацняюцца. Асаблiва для дачкi. Значна узрастае працягласць, складанасьць, напружанасьць загартовак. Да таго ж, падчас грыпу дачка праходзiць праз больш складаную загартоуку, чым я! Бо дзецi часьцей хварэюць. Чым мацней эпiдэмiя - тым больш складаная загартоука. Але як толькi эпiдэмiя сыходзiць, загартоукi для мяне больш складаныя, для дачкi лягчэйшыя. Бывайце здаровы!
Каб пакінуць каментар, калі ласка, актывуйце JavaScript у наладах свайго браўзеру