Грамадства77

Ракіроўка па-беларуску: Пятра Міклашэвіча памянялі на Рыгора Васілевіча

А Рыгора Васілевіча замянілі на Пятра Міклашэвіча.

У пятніцу ўвечары Аляксандар Лукашэнка зрабіў кадравую перастаноўку двух высокіх чыноўнікаў. Генэральны пракурор Пятро Міклашэвіч узначаліў Канстытуцыйны суд, а былы старшыня Канстытуцыйнага суду Рыгор Васілевіч стаў генэральным пракурорам, паведамляе БЕЛТА.

Нагадаем, што Рыгор Васілевіч быў вызвалены ад пасады старшыні Канстытуцыйнага суду 11 студзеня. Афіцыйная трактоўка «ў сувязі з завяршэньнем тэрміну паўнамоцтваў і выхадам у адстаўку». Некаторыя аналітыкі меркавалі, што месца Васілевіча магла заняць намесьніца кіраўніка Адміністрацыі прэзыдэнта Натальля Пяткевіч. Сам Васілевіч пасьля адстаўкі абмежаваўся ад кантактаў з прэсай, адмаўляючы ў інтэрвію.

Цікава, што сёньня А.Лукашэнка прыняў з дакладам Пятра Міклашэвіча. Цяпер ужо былы генэральны пракурор праінфармаваў кіраўніка дзяржавы «аб выніках дзейнасьці пракуратуры па ўмацаваньні правапарадку і законнасьці ў 2007 годзе».

Па выніках гэтай сустрэчы з цяжкасьцю можна было б сказаць, што праз пару гадзін Міклашэвіч перастане займаць крэсла генпракурора. Лукашэнка паставіў перад Міклашэвічам задачу актывізаваць сёлета працу праваахоўных органаў па раскрыцьці злачыннасьці, а таксама запатрабаваў «прыняць вычарпальныя і своечасовыя захады па павышэньні каардынуючай ролі пракуратуры і ў барацьбе са злачыннасьцю і карупцыяй». Міклашэвічу быў аддадзены яшчэ шэраг распараджэньняў, але менавіта як Генэральнаму пракурору.

Варта адзначыць, што чуткі аб тым, што Пётар Міклашэвіч просіцца ў адстаўку з пасады генпракурора, хадзілі ўжо досыць даўно. Разам з тым, на апошняй сваёй прэс‑канфэрэнцыі 16 студзеня Міклашэвіч, адказваючы на пытаньне аб магчымай адстаўкі з пасады, рашуча сказаў: «Гэта няпраўда».

Зьміцер Панкавец

***

Пятро Міклашэвіч нарадзіўся ў 1954 г. у Касуце на Вялейшчыне. Скончыў БДУ, працаваў судзьдзём Гомельскага абласнога суда, першым намесьнікам міністра юстыцыі, першым намесьнікам старшыні Вярхоўнага суду (1999-2004). Пасаду генэральнага пракурора займаў з 29 лістапада 2004 г.

Рыгор Васілевіч нарадзіўся 13 лютага 1955 г. у Менску, скончыў БДУ (1980), доктар юрыдычных навук (1994). Член Канстытуцыйнага суда з 1994 г. У час працы першага складу КС (1994--1996) шмат разоў выказваў нязгоду з пазыцыяй яго старшыні Валера Ціхіні. З 13 студзеня 1997 г. -- старшыня Канстытуцыйнага суда.

Каментары7

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Усе навіны →
Усе навіны

Самы працяглы маршрут — 140 кіламетраў за дзень. Экс-палітвязень Андрэй Кузнечык зацяты веласіпедыст — ён расказаў пра сваё хобі6

Не прапусціце вялікія зніжкі на рэкламу ў «Нашай Ніве» да канца лета

62-гадовую намесніцу дырэктара мінскай гімназіі адправілі ў калонію за палітыку12

Злучаныя Штаты могуць скараціць колькасць сваіх войскаў у Еўропе на 30%3

Шэлег: Беларускія лекі нічым не адрозніваюцца ад старых прэпаратаў буйных фармацэўтычных кампаній3

Настаяцель манастыра Шаалінь трапіў пад следства па падазрэнні ў растратах і амаральным ладзе жыцця4

У Рэчыцкім раёне ад удару токам загінулі двое мужчын

Цэны на шакалад здзіўляюць13

Навумчык пра незалежнасць Беларусі: Пуцін не здольны мабілізаваць ніводнага беларуса на вайну — нацыянальныя аўтаноміі Расіі не маюць і гэтага30

больш чытаных навін
больш лайканых навін

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

«Дзеці растуць з адчуваннем, што быць беларусам пачэсна, як выпускніком Гарварда». У Батумі дзейнічае беларускамоўная школа — вось як гэта працуе

Галоўнае
Усе навіны →

Заўвага:

 

 

 

 

Закрыць Паведаміць