11.02.2008 / 10:38

У Белавежы стварылі зубрыны статак для паляваньня 4

Дазвол на паляваньне каштуе 2‑8 тысяч эўраў. Кошт вызначаюць даўжыня правага і левага рагоў, абхват рога ў аснове, велічыня капытоў і г.д.


У адміністрацыі НП «Белавеская пушча» паведамілі, што сапраўды створаны «статак для паляваньня», які папаўняецца ў адмысловым загоне. Гэта своеасаблівае беларускае ранча памерам 30 тысяч гектараў, агароджанае двухмэтровай мэталічнай сеткай. Дазвол на паляваньне на зубра тут каштуе 2 — 8 тысяч эўра. Канкрэтную суму вызначаюць характарыстыкі трафэю: даўжыня правага і левага рагоў, абхват рога ў аснове, велічыня капытоў і г.д. Па замове кліента яму прадаюць яшчэ шкуру і галаву забітага зубра.

Паводле афіцыйнага падліку, у Белавескай пушчы на сёньня больш як 730 зуброў. Аднак многія эколягі лічаць гэтую лічбу завышанай. У прыватнасьці, былы намесьнік дырэктара парка па навуцы Георгій Казулька кажа, што цяпер кіраўнікі лесагаспадарак атрымалі так званы «эфэкт зацікаўленасьці». Гэта значыць, што калі колькасьць зуброў большая, то начальнікі атрымліваюць больш дазволаў «на практычнае выкарыстаньне рэсурсаў гэтай жывёлы». Таму паляваньне на зуброў арганізуюць ужо ня толькі ў Белавескай пушчы, але і ў Прыпяцкім нацыянальным парку, і ў Бярэзінскім біясфэрным запаведніку…

Паводле: Галіна Баравая, BulletinOnline.org

0
vova / Адказаць
11.02.2008 / 12:50
vot urody! deneg im malo, ohotu v RB voobs4e nado zapretit!
0
Кнехт / Адказаць
11.02.2008 / 13:59
А чаго мы хацелі? Дыктатуры патрэбны грошы, каб "карміць народ", таму - ўсё на прадажу...
0
pan Brudas / Адказаць
11.02.2008 / 16:45
Загаловак зусім не адпавядае зьместу- Белавежа - гэта мястэчка ў Польшчы, цэнтр нацыянальнага парку Белавескага ў РП. Таму калі пісаць пра Беларусь трэба "Ў Камянюках стварылі..." Бамбізы і ко даўно робяць усё, каб ператварыць Белавескую пушчу ў паляўнічую гаспадарку. Таму трэба ўводзіць бальную сыстэму з узнагародамі за адстрэл найбольш шкодных бульбашоўцаў.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру