«Мы шкадуем, што пастаянна узьікаюць такія праблемы, ‑‑ сказаў Пуцін. — Мы дамовіліся пра далейшыя прынцыпы супрацоўніцтва і пра ўмовы пагашэньня доўгу. «Газпром» яны задавальняюць».
У сваю чаргу Юшчанка заявіў, што з чацьвярга Украіна пачне пагашаць доўг перад «Газпромам». Пры гэтым за пастаўкі 2008 году Украіна будзе плаціць па 179 даляраў за тысячу кубамэтраў.
Пуцін таксама зазначыў, што «Газпром» і «Нафтагаз» стварылі рабочую групу для арганізацыі прамых стасункаў. Зараз «Газпром» прадае Украіне газ цераз пасярэдніка.
«Мы зацікаўлены, каб нашае супрацоўніцтва было б гранічна празрыстым», — сказаў расейскі прэзыдэнт.
У аўторак Пуцін і Юшчанка падпісалі Плян дзеяньняў Расеі і Украіны на 2008 год. Ён у асноўным тычыцца гандлёва‑эканамічных дачыненьняў двух краін.