Жанр: фантастыка, баявік, прыгоды
Рэжысёр: Джорж Мілер
У ролях: Том Хадзі, Шэрліз Тэрон, Ніканас Холт, Х’ю Кіяс-Бёрн, Джош Хелман, Нэйтан Джонс, Зоі Кравіц, Роўзі Ханцінгтан-Уайтлі, Райлі Кіа, Эбі Лі
ЗША, Аўстралія, 120 хв.
Адзнака: 8
Пасля помсты за смерць жонкі і сына Макс Ракатанскі пакінуў шэрагі Асноўнага сілавога патруля і з’ехаў у глухія мясціны, дзе бадзяецца ў адзіноце, пакуль свет павольна разбураецца з-за энергетычнага крызісу і сусветнай вайны.
Макс вучыцца выжываць у постапакаліптычнай пустэльні, але трапляе ў палон да жорсткага клану істот, якія вырадзіліся ў хваравітае племя і імкліва страчваюць чалавечае аблічча. Вандроўнік апынуўся ў цэнтры бунту, завадатаркай якога стала адважная ваярка Фюрыёза.
Стужка з’яўляецца першым фільмам франшызы «Шалёны Макс» за амаль 30 гадоў. Сцэнарыстам, прадзюсарам і рэжысёрам зноў выступіў Джордж Мілер, аўтар кінафраншызы ў стылі дызельпанк. «Мы быццам бы апынуліся ў фантазіі Мілера», — расказаў брытанец Том Хардзі, выканаўца ролі Макса, адзначыўшы, што аснову фільма складаюць незвычайныя транспарт, прылады, касцюмы і лакацыі.
Хардзі спецыяльна сустракаўся з Мэлам Гібсанам, выканаўцам ролі Макса ў папярэдніх фільмах, і атрымаў яго бласлаўненне на ролю.
Здымкі адбываліся ў пустэльні Наміб у Афрыцы. Больш за 80% эфектаў у фільме былі знятыя ўжывую.
Камп’ютарная графіка выкарыстоўвалася толькі для паляпшэння пейзажу Намібіі, для выдалення часткі абсталявання, якое выкарыстоўвалася падчас здымак трукаў, а таксама для левай рукі Шэрліз Тэрон, якая ў фільме з’яўляецца пратэзам. «У фільма моцны пасыл. Калі не можаш збегчы ад сітуацыі, паспрабуй змяніць яе саму», — мяркуе Шэрліз Тэрон.
Для здымак акwёрцы з ПАР давялося пагаліцца налыса.
Вядома, што ў лютым 2013 Намібійская кіруючая група па захаванні ўзбярэжжа абвінаваціла прадзюсараў у пашкоджанні частак пустэльні, якія прывялі да скарачэння колькасці відаў раслін і жывёл. Унікальны постапакаліптычны свет, створаны Мілерам, населены яскравымі і харызматычнымі персанажамі. Дынамічны сюжэт аздоблены атмасферай пустэльні і фантастычнамі механізмамі. Рэкамендуецца для прагляду аматарам добрага экшну.
***
Дызельпанк жанр фантастыкі, вытворны ад кіберпанка (англ. cybernetics «кібернетыка» і англ. punk «смецце»). Апісвае свет, які базуецца на тэхналогіях ўзроўню паміж Першай і Другой сусветнымі войнамі. Таксама азначае субкультуру, якая спалучае ў сабе эстэтыку таго часу з постмадэрнісцкімі тэхналогіямі і пачуццямі.
