20.05.2015 / 17:57

«Дармаед» Юрый Шульган: Лукашэнка сказаў, што калі знойдзецца больш годны, то ён саступіць месца. Я знайшоўся! 14

Беспрацоўны Юрый Шульган, вылучэнне якога кандыдатам у прэзідэнты падтрымлівае Беларуская партыя «Зялёныя», правёў 20 мая ў Мінску сваю першую прэс-канферэнцыю.

«З 2000 года я фактычна дармаед. Па адукацыі я выкладчык гісторыі. Я не магу ў сённяшняй краіне выкладаць рэальную гісторыю, а падманваць дзяцей я не магу», — сказаў Шульган, тлумачачы, чаму доўгі час не працуе.

«Цяпер я адчуў у сабе сілу, пазыў, адказнасць пайсці на гэтую пасаду.

Аляксандр Рыгоравіч сказаў, што калі знойдзецца больш годны, я саступлю месца. Я знайшоўся. Я гатовы прыняць на сябе гэты цяжкі груз.

Гэта было пачуццё адказнасці за краіну. Я зразумеў, што магу зрабіць для гэтай краіны тое, што не можа зрабіць ніхто іншы. І толькі з-за гэтага — пачуцця адказнасці — я іду на гэтую пасаду.

Мы, дармаеды, павінны падтрымліваць адзін аднаго. Калі я стану прэзідэнтам, паверце мне, дармаеды не будуць садзіцца за краты, не будуць плаціць штрафы. Таму што ў кожнага чалавека ёсць свабода выбару.

Я не па заробак іду, а з-за адказнасці».

0
Мордехай В. / Адказаць
20.05.2015 / 18:00
Самы дастойны дармаед. Прапаную зрабіць рэаліці шоў на Беларусь-1. Вядучымі - Ярмошына і Лазавік.
0
Just / Адказаць
20.05.2015 / 18:15
Гэта мой кандыдат. Дармаеды, за работу!
0
slow motion / Адказаць
20.05.2015 / 18:48
Сення мне панна Анисим прапанавала уступиць у яе иницыЯтыву, але мае сэрца и галава за Шульгана! Je suis tunijadets!
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру