Аляксандр Лукашэнка падтрымаў прапанову ўнесці ў школьную праграму наведванне значных мясцін Беларусі.
Пра гэта беларускі лідар заявіў сёння, выступаючы на з'ездзе Федэрацыі прафсаюзаў Беларусі.
Лукашэнка адзначыў, што Федэрацыя прафсаюзаў і Міністэрства адукацыі ўнеслі добрую прапанову ўключыць у школьную праграму абавязковае наведванне значных мясцін Беларусі. «Гэтым трэба займацца, гэта частка патрыятычнага выхавання», — падкрэсліў кіраўнік дзяржавы.
Ён нагадаў, што такі досвед быў у Савецкім Саюзе, аднак цяпер яго пачалі забываць.
Кіраўнік дзяржавы прапанаваў арганізоўваць паездкі ў тым ліку ў шосты школьны дзень — суботу.
