24.05.2015 / 23:32

На прэзідэнцкіх выбарах у Польшчы перамог кансерватар Анджэй Дуда 16

Паводле exit poll, праведзеным TVN, у другім туры выбараў прэзідэнта Польшчы перамогу атрымаў кандыдат ад апазіцыйнай партыі «Закон і справядлівасць» 43-гадовы Анджэй Дуда — ён набраў 53%.

Дзеючы прэзідэнт Браніслаў Камароўскі набірае 47%. Ён лічыўся незалежным кандыдатам, але прыхільным да кіроўнай «Грамадзянскай платформы».

Яўка на выбарах склала 56,1%. У першым туры, два тыдні таму, Дуда набраў 34,7%, Камароўскі — 33,7%. Трэцяе месца заняў рок-музыка Павел Кукіз (20%).

Першыя звесткі сёння меліся стаць вядомыя а 22-й, але абвяшчэнне вынікаў апытання было перанесена на 1,5 гадзіны з-за смерці 80-гадовай жанчыны на ўчастку ў мястэчку Кавале, дзе налічваецца 611 выбарцаў.

У Польшчы паўнамоцтвы прэзідэнта не такія шырокія, як, напрыклад, у Беларусі, але ён — галоўнакамандуючы войска, а таксама можа накладаць вета на шэраг законаў.

Камароўскі (яму цяпер 62 гады) кіраваў краінай з 2010 года, пасля таго, як у авіякатастрофе загінуў прэзідэнт Лех Качыньскі, брат яго Яраслаў Качыньскі і кіруе партыяй «Закон і справядлівасць». Гэта партыя лічыцца больш кансерватыўнай, чым «Грамадзянская платформа». Але ў цэлым далейшы курс Польшчы не зменіцца.

Дуда, напрыклад, выступае супраць абортаў, аднаполых шлюбаў і ЭКА (экстракарпаральнае апладненне). Больш скептычна ставіцца да ЕС і выступае за павелічэнне дзяржаўнай падтрымкі менш забяспечаных слаёў насельніцтва. Дуда карыстаецца большай папулярнасцю ва ўсходніх раёнах Польшчы, напрыклад, на мяжы з Беларуссю ці Украінай.

Палітолагі таксама ацэньваюць выбары прэзідэнта, як рэпетыцыю перад выбарамі ў Сейм, што запланаваныя на восень. Цяпер у парламенце большасць мае Грамадзянская платформа.

nn.by

0
Рэлер / Адказаць
24.05.2015 / 23:41
Мяркую, што гэта добры вынік. Кепска, калі ўся ўлада ў руках адной партыі. Ну і ў дачыненьні да Украіны палітыка будзе больш выразнай.
0
Лявон / Адказаць
25.05.2015 / 00:03
Шаноуны спадар! Віньшую зь перамогай на карысьць ПОЛЬШЧЫ,ЕС,СЬВЕТА! БЕЛАРУСЫ кажуць так: У ДОБРЫ ШЛЯХ!
0
Анатоль Сідарэвіч / Адказаць
25.05.2015 / 00:05
Права і Справядлівасць займае даволі прынцыповую пазыцыю ў адносінах да Расіі. У Нямеччыне і Францыі яе вінавацілі ў рашафобіі. Калі Расія пачала агрэсію супраць Украіны, даволі прынцыповую пазыцыю заняў і міністр замежных спраў Сікорскі з Грамадзянскай Плятформы.Тады была зроблена ракіроўка: прэм'ера Туска забралі ў Брусэль, на яго месца села памяркоўная Копач, а Сікорскага перасадзілі ў крэсла маршалка Сойму. Францыя і Нямеччына практычна ліквідавалі Ваймарскую тройку, у якую, апроч іх, уваходзіла Польшча. Польшчу, якая раздражняе Путлера, адціснулі ад вырашэньня расейска-ўкраінскіх праблем. Мяне цікавіць, ці здолее Анджэй Дуда стварыць нязручнасьці для фраў Рыбэнтроп і мосьё Даладзьё-Алянда? Ці паставіць Дуда пытаньне аб вяртаньні ў Польшчу абломкаў самалёта, на якім разьбіліся прэзыдэнт Качынскі і дзясяткі польскіх дзяржаўных дзеячоў?
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру