 фота AP |
Апошняе тэхнічнае абслугоўванне самалёта было праведзена ў Даніі сертыфікаванымі спецыялістамі, удакладніў субяседнік.
Ён таксама паведаміў, што для расследавання інцыдэнту будзе створана спецыяльная камісія з удзелам прадстаўнікоў зацікаўленых бакоў.
Расследаванне гэтага авіяцыйнага выпадку ў адпаведнасці з міжнароднымі правіламі будуць праводзіць авіяцыйныя ўлады Арменіі. У ім возьмуць удзел спецыялісты міждзяржаўнага авіяцыйнага камітэта, дэпартамента па авіяцыі Міністэрства транспарту і камунікацый Беларусі, Нацыянальнай авіякампаніі «Белавія», прадстаўнікі вытворцаў самалёта і рухавікоў.
Самалёт быў пабудаваны ў 1999 годзе канадскай фірмай «Бамбардзье», а рухавікі былі выраблены ў ЗША.
Анатоль Гусараў заявіў, што цяпер «ніхто не можа сказаць нават прыблізна аб прычынах аварыі». «Хоць мы больш за іншых зацікаўлены як мага хутчэй высветліць прычыны», — дадаў ён.
