Каардынацыйная рада па тэлерадыёвяшчання сёння прыняла рашэнне аб прыпыненні рэтрансляцыі ў Малдове тэлеканала «Расія 24».
Паводле справаздачы КРТР, гэты тэлеканал мае прапагандысцкі характар, і не выконвае прынятых у краіне прынцыпаў сацыяльнага і палітычнага балансу ў падачы навін.
У прыватнасці, КРТР звярнула ўвагу на рэпартаж «Між двух агнёў», які выйшаў у эфір 9 сакавіка і быў прысвечаны сітуацыі вакол Прыднястроўя. Рэгіён паўставаў у ім блакаваным варожымі і празаходнімі Украінай і Малдовай. У справаздачы па выніках маніторынгу канала канстатуецца, што гэты рэпартаж «ачарняе Малдову».
«Расійскі тэлеканал «Расія-24» мае прапагандысцкі характар і мае мэту ачарніць Малдову і Украіну, - сказана ў справаздачы.
0
0
0
0
0
0
