28.05.2015 / 15:30

Рассельгаснагляд выявіў у мясе ААТ «Александрыйскае» Шклоўскага раёна сальманелу 4

Упраўленне Рассельгаснагляду па Бранскай і Смаленскай абласцях выявіла сальманелу ў ахалоджаным мясе ялавічыны, якая паступіла ў Расію з ААТ «Александрыйскае» Шклоўскага раёна. 

«Праведзеныя рэферэнтным цэнтрам Рассельгаснагляду ФДБУ «Бранская міжабласная ветэрынарная лабараторыя» даследаванні паказалі, што ў партыі ахалоджанага мяса ялавічыны, пастаўленай з Беларусі, выяўлены сальманелы S.Enteritidis», — паведамляецца 27 мая на сайце ўпраўлення. 

Паводле даных расійскага кантралюючага ведамства, небяспечная прадукцыя паступіла ў смаленскае ТАА «Белмітснаб» з прадпрыемства магілёўскага ААТ «Александрыйскае». 

Як удакладнілі БелаПАН у прэс-службе ўпраўлення, 18 тон 459 кг мяса на «Белмітснаб» пастаўляла іншая беларуская фірма, аднак выпрацавана мяса было менавіта на «Александрыйскім». У прэс-службе адзначылі, што далейшы лёс мяса, мабыць, будуць вырашаць суб'екты гаспадарання, але ў рэалізацыю яно пастаўлена не будзе. 

Ва ўпраўленні Рассельгаснагляду па Бранскай і Смаленскай абласцях таксама паведамілі, што 18—19 мая паліцыяй было затрымана 20 тон замарожанага мяса птушкі вытворчасці магілёўскага ААТ «Александрыйскае». Спецыялісты ведамства высветлілі, што прадукцыя перавозілася ў антысанітарных умовах, з парушэннем тэмпературнага рэжыму, устаноўленага для гэтага віду грузаў. Затрыманы груз быў вернуты ў Беларусь. 

Атрымаць каментары кіраўніцтва ААТ «Александрыйскае» наконт прэтэнзій Рассельгаснагляду пакуль не ўдалося.

0
Солидарен / Адказаць
28.05.2015 / 15:47
скрытый упрек в сторону президента
0
Александрюля Шклофффская / Адказаць
28.05.2015 / 16:04
І ўсе разумеюць, на чым трымаюцца традыцыі здраднікаў ВКЛ.
0
вован коровин / Адказаць
28.05.2015 / 20:33
Выходзиць, Расия кантралюе прадукты, якия спажываюць яе грамадзяне, а у нашай дзяржаве чыноуники личаць, што с*ака усе перасера, у тым лику и чарнобыльскае.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру