Дзяржсакратара ЗША Джона Кэры даставілі на верталёце ў шпіталь Жэневы.

Пра гэта паведаміў афіцыйны прадстаўнік амерыканскага знешнепалітычнага ведамства Джон Кірбі.

«Стан дзяржсакратара стабільны. У выніку траўмы ён не страціў прытомнасць», — заявіў Кірбі.

Як мяркуецца, кіраўнік Дзярждэпу зваліўся з ровара падчас прагулкі ў французскім горадзе Сьензье, які знаходзіцца на мяжы са Швейцарыяй, у 50 кіламетрах ад Жэневы, і пашкодзіў нагу.

The Telegraph пісаў, што ў сакавіку ў Швейцарыі у Джона Кэры ўзніклі праблемы з пераключэннем перадач на ровары. Усе непаладкі былі неўзабаве ліквідаваныя. Па інфармацыі выдання, гэты ровар у дзяржсакратара ўжо каля дзесяці гадоў.

Хочаш падзяліцца важнай інфармацыяй ананімна і канфідэнцыйна?