01.06.2015 / 22:27

Міністр Жураўкоў лічыць нармальнай практыку збору грошай у школах Абмяркоўвайце! 43

Міністр адукацыі Міхаіл Жураўкоў таксама здаваў грошы на патрэбы гімназіі свайго сына. Летась ён разам з іншымі бацькамі замяніў вокны ў класнай аўдыторыі. У мінулым і пазамінулым — удзельнічаў у пабелцы столі. Пра гэта Міхаіл Жураўкоў распавёў у эфіры праграмы «Тыдзень» на СТБ.

Адказваючы на пытанне вядучага, ці з'яўляецца букет на дзень нараджэння настаўніка карупцыяй, міністр адказаў:

— Я б усё ж такі не дзяліў так: вось гэта белае, а вось гэта чорнае. Калі вучань прыносіць на дзень нараджэння — гэта адно. Іншае, у школе, у кожным класе ёсць апякунская рада. І апякунская рада павінна вырашаць, што ў гэтай школе адрамантаваць, закупіць, каму падарыць і гэтак далей.

Міністр лічыць, што збор грошай апякунскай радзе — нармальная практыка. А калі даходзіць да крайнасцяў, залежыць ад асобы настаўніка і дырэктара.

— Калі дырэктар прынцыповы, нармальны, то яго ўзаемаадносіны з апякунскай радай нармальныя. Практыка апякунскіх радаў існуе ва ўсім свеце. І я па-добраму зайздрошчу, у асаблівасці, вышэйшым установам краін, у якіх ёсць спецыяльныя апякунскія фонды. Там велізарныя грошы. Іншая справа, куды траціць усе грошы, вырашаецца сумесна.

У мінулым годзе Міхаіл Жураўкоў і іншыя бацькі сабраліся і памянялі ў класнай аўдыторыі гімназіі вокны.

— Паставілі пластыкавыя пакеты для таго, каб не было скразнякоў і нашы дзеці не хварэлі. Я лічу, гэта цалкам нармальна. Мы вырашылі калегіяльна. У мінулым годзе і ў пазамінулым я прыходзіў, і мы бялілі столь, таксама ў класнай аўдыторыі. Нічога ў гэтым дрэннага не бачу. Гэта нармальна. Галоўнае, каб усё было па жаданні.

0
Лявон / Адказаць
01.06.2015 / 22:41
Вось і сапраудны твар такога Міністра! Якая зарплята у спадара і прастога працоунага? Чаму чыноунікі улад дзяржауныя грошы трацяць там,дзе яны не патрэбны? Я таксама прайшоу гэтую "савэцкую" школу паборау? ЯНА,ЯК БАЧЫЦЕ ЖЫВЕ І ПРАЦЬВІТАЕ ЗЬТАКІМІ МІНІСТ... ТЫ -МНЕ,Я-ТАБЕ каб не нашкодзіць сваім дзецям! НЕ ПАВАЖАЮ!
0
Я / Адказаць
01.06.2015 / 22:49
Дык гэта и ёсць нармальна. Вам што ня хапае таго, што дзяржава и так наскозь лезе? Рабице усё сваими руками, а не зпадзявайцеся няведама на каго.
0
Алекс / Адказаць
01.06.2015 / 22:50
па жаданнi? давайце тады i налогi па жаданнi...
Паказаць усе каментары/ 43 /
Каб пакінуць каментар, калі ласка, актывуйце JavaScript у наладах свайго браўзеру