03.06.2015 / 16:09

У Кобрыне пройдзе Кангрэс хрысціянскай моладзі 8

У цэнтральнай царкве Евангельскіх хрысціян-баптыстаў у Кобрыне 28-29 жніўня адбудзецца Рэспубліканскі моладзевы кангрэс. Форум веруючай моладзі пройдзе пад дэвізам «Духам успалымняйцеся, Госпаду служыце».

У аснову працы кангрэса будуць пакладзеныя розныя тэалагічныя аспекты Паслання да Рымлянаў — Кіраўніцтва Саюза цэркваў ЕХБ і Абласных аб’яднанняў, а таксама служыцелі памесных цэркваў будуць казаць аб Божым провідзе і месцы хрысціяніна ў Божых планах, заклічуць маладых людзей да пакаяння і прысвячэння, паведаміў на сваёй старонцы у сацсетках адзін з арганізатараў кангрэса.

У праграме кангрэса — дыскусіі на тэмы «Дары ў служэнні», «Вучэнне аб хрысціянскай свабодзе», «Духоўная барацьба», «Залежнасць ад інфармацыйных тэхналогіяў», «Рэлігійнасць», «Хібнасць філасофіі культу цела і прыгажосці», «Слоўнік рымскіх тэрмінаў», «Прысвячэнне».

Да ўдзелу запрашаецца моладзь памесных цэркваў узростам ад 16 гадоў, аб намеры ўдзельнічаць пажадана паведаміць у Аб’яднанне цэркваў да 31 ліпеня.

Рэгістрацыйны ўнёсак складае 150 тысяч рублёў на аднаго чалавека, у якія ўваходзяць харчаванне і пражыванне.

0
Пытач / Адказаць
03.06.2015 / 16:58
І што, можа той кангрэс беларускамоўным будзе?
0
Юрась Беларус Литвин з-пад-над Минска и других городов / Адказаць
03.06.2015 / 18:50
Пытач, трэба табе тая мова?
0
Пытач / Адказаць
03.06.2015 / 21:36
Мне як сказаць, а вось гэтым спадарам вернікам дакладна не трэба ані мова, ані дзяржава, лічы што анічога зямнога. Прымнажайце тое баптысцкае хрысціянства, і стане на Беларусі куды спакайней. Без цяперашняй нават кволай беларускасці.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру