03.06.2015 / 16:28

Самалёт са спікерам польскага Сейма мог трапіць у аварыю 8

Польская парламенцкая дэлегацыя мелася вылецець з Варшавы ў Прагу на сустрэчу з чэшскімі калегамі. На борце знаходзілася 18 чалавек, у тым ліку спікер Сейму Радаслаў Сікорскі.

Як паведамляюць польскія СМІ, самалёт пасля набору хуткасці рэзка затармазіў, але змог затрымацца на ўзлётна-пасадачнай паласе. Паводле сведчанняў пасажыраў, самалёт паспеў крыху адарвацца ад зямлі.

dziennik.pl

«Капітан праінфармаваў, што адбыўся збой у навігацыйнай сістэме. Пасля я паразмаўляў з пілотам асабіста. У такіх выпадках трэба спыняць старт, калі гэта магчыма, і гэта адбылося, дзякуй Богу», — паведаміў Сікорскі.

Пасля спікер польскага парламенту дадаў, што «камерцыйныя самалёты ў некаторых адносінах больш бяспечныя, бо пілоты камерцыйных авіяліній маюць меншую схільнасць да рызыкі, маюць больш строгія працэдуры. У ваенных жа ёсць жаданне выканаць задачу».

Паводле авіяцыйнага эксперта Томаша Гіпкага, экіпажу і пасажырам пашанцавала, што самалёт змог затрымацца да канца ўзлётна-пасадачнай паласы, бо колы ўжо адарваліся ад зямлі. Звычайна ў такіх выпадках гэта не атрымліваецца зрабіць. «Гэта найбольш небяспечная фаза ўзлёту», — дадае эксперт.

Палёт меў адбывацца на самалёце Embraer 170, які арандуецца ўрадам у нацыянальнай кампаніі LOT.

Іван Шыла

0
Ales J / Адказаць
03.06.2015 / 17:34
Самалёт са спікерам польскага Сейма мог трапіць у аварыю *** у палякаў гэта сямейнае
0
Рэлер / Адказаць
03.06.2015 / 18:35
2 Ales J Па-мойму, жарты тут не да месца.
0
Міхал з далека / Адказаць
03.06.2015 / 19:57
Рэлер, а варта таго Алеся паскрабсьці. Прадзед 100% быў Тадэвуш, Юзаф ці Францішак. От сьмешна будзе.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру