03.06.2015 / 17:17

Каб падаць дакументы ў беларускамоўную гімназію №23, бацькі займалі чаргу з 5:30 раніцы 11

Каб запісацца на падачу дакументаў у першы клас гімназіі №23 у Мінску, бацькі прыходзілі да навучальнай установы ў прыкладна ў 5:30 раніцы. Пра гэта «Нашай Ніве» паведаміла маці першакласніка гімназіі, супрацоўніца IT-кампаніі Алена Лешчанка.

Алена расказала, што хацела прыйсці падаваць дакументы а 9-й раніцы, калі пачынае працу прыёмная камісія. Аднак знаёмая настаўніца папярэдзіла, што ўжо цягам некалькіх гадоў чарга з ахвочых пачынае збірацца ля ўвахода ў гімназію а 6-й раніцы.

«Я ўвогуле не турбавалася, думала, што як са старэйшай дачкой 8 гадоў таму: прыйшлі ў першы дзень, роўна да часу пачатку, занялі чаргу, былі ў ліку першых, патрапілі, куды хацелі. Але ў выніку ў 5:50 нас запісалі пад нумарам 10», — расказвае Алена.

Алена Лешчанка патлумачыла, што ў першыя класы набіралі 36 чалавек, яшчэ колькі месцаў пакінулі для жыхароў раёна. Таму і сабралася многа людзей — бацькі баяліся, што дзецям не хопіць месца ў гімназіі. «Мабыць, у наступным годзе гімназія дадатковы клас арганізуе, вунь як людзі намагаюцца патрапіць», — кажа Алена.

У гімназіі з першага класа вывучаюць англійскую і кітайскую мовы. Усе імкнуцца трапіць у клас з англійскай мовай, таму такая і спешка.

Кірыла Хілько

0
Ales J / Адказаць
03.06.2015 / 17:45
У маім горадзе школы і гімназіі рускія. Хацеў сына, 11 кл, перавесці з рускай школы ў беларускую, і не здолеў, бо не было куды. Беларусам родная мова і адукацыя на роднай мове - абы не было вайны з рускімі. Дык калі, па-васку, беларускія гімназіі дзесці закарысталіся поспехам, дык чаму там не перавесці на белмову літэральна ўсё??????????????????????!
0
Валер / Адказаць
03.06.2015 / 17:58
В нашу гимназию (Лида) мы занимали очередь за две недели и дежурили поочереди, а в последную ночь дежурили все
0
dsyxfhhkjhff / Адказаць
03.06.2015 / 20:00
чего толпиться - подавайте документы в 28 гимназию
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру