Серыю фатаграфій, прысвечаную абавязковай службе ў войску для мужчын у Літве, якая была ўведзеная некалькі месяцаў таму, прэзентавалі літоўская актрыса і тэлевядучая Беата Тышкевіч-Хасанава разам з фатографам і студэнткай паліталогіі Нерынгай Ракашутэ.
Яны выбралі 14 выпадковых мужчын ва ўзросце ад 17 да 28 гадоў і зрабілі іх фотапартрэты: мужчыны, апранутыя ў ваенную форму, плачуць. Беата і Нерынга думаюць, што гэта добры спосаб, каб «паказаць, як небяспечныя гендарныя чаканні: чакаецца, што мужчына будзе рацыянальным, безэмацыйным і агрэсіўным». «Гэта вельмі важна, каб мы, як грамадства, навучылі мужчын выказваць свае эмоцыі і не прымяняць да іх стэрэатыпныя архаічныя ролі», – піша спадарыня Ракашутэ.
Фотаздымкі суправаджаюцца цытатамі сфатаграфаваных мужчын. Сярод іх сустракаюцца нават цалкам пазбаўленыя логікі, напрыклад:
«У сучасным свабодным грамадстве няма месца для гвалту. Абавязковымі павінны быць тыя рэчы, якія вы выбіраеце з вашай свабоднай волі».
«Ты прайграеш, толькі калі змагаешся»
«Армія – пустая трата часу. Колькі яшчэ салдат нам трэба?»
Больш фота тут.
А вы за ці супраць абавязковай службы ў войску? Абмяркоўвайце ў каментарах!