Украінская пісьменніца з Луганскай вобласці Алёна Сцяпная, якая атрымала масавую папулярнасць нарысамі з жыцця родных мясцінаў падчас вайны на ўсходзе Украіны, апісала сваё падарожжа з Украіны ў краіны Балтыі праз Беларусь.
«Пашпартна-мытны кантроль прайшлі хутка. Беларускія памежнікі жартавалі і сыпалі кампліментамі. Сцюардэса свяцілася шчасцем і какетнічала з ахоўнікамі мяжы.
Дасталося беларускай любові і нам з Міраславай (дачкой). Пасля праверкі пашпартоў сімпатычны памежнік Аляксандр галантна пацалаваў нам з Міраславай рукі, павіншаваў мяне з мінулым, а яе з наступаючым днём народзінаў», — піша Сцяпная, якая з'яўляцца прыхільніцай адзінства Украіны.
Далей яна апісвае сустрэчу з Беларусьсю такім чынам:
«Праўда, мытнік, які правяраў багаж, напалохаў мяне, трохі затрымаўшы (кнігу) «Усё будзе Украіна» ў руцэ і спытаўшы: «Кніга добрая?» Я пасміхнулася: «Пра сваю краіну толькі добрыя кнігі пішуць». Ён пасміхнуўся ў адказ: «Гэта правільна!»
— Мама, у Эстоніі ўсе мужчыны такія,— у захапленні прашаптала жыццялюбства, атрымаўшы першую ў жыцці порцыю галантнасці.
— Гэта Беларусь, — засмяялася я, — хоць, мяркуючы па паводзінах памежнікаў, ужо Еўропа.
Міраслава адразу заглыбілася ў вывучэнне Беларусі.
Ад'ехаўшы ад мяжы кіроўца, глянуўшы на пачырванеўшую сцюардэсу і адрэагаваўшы на чыёсьці гучнае «якія беларусы мілыя», зрабіў афіцыйнае паведамленне:
— Паважаныя пасажыры, на беларускай мяжы захоўвайце пільнасць, беражыце жонак, дачок і сэрцы. Гэтыя данжуаны ў мяне чацвертую сцюардэсу зводзяць замуж.
— Мама, у іх такая касметыка класная, а тэкстыль такі прыгожы, — бубніла мне жыццялюбства, якое заглыбілася ў гугл.
— Гм, — падумала я, — які цікавы і нестандартны метад, каб зацікавіць падлетка вывучаць гісторыю і геаграфію. Усяго адзін камплімент і вось, дзіця ужо ўжо сыпе гістарычнымі, прамысловымі, геаграфічнымі фактамі з жыцця суседняй краіны і думае пра перспэктывы развіцця ўкраінска-беларускіх адносінаў. Так, а вока за квітнеючым жыццялюбствам ужо трэба вастрыць. Гэх, дзеці растуць, а мы старэем.
Не, ну беларусы, а, якія беларусы! Проста донжуана-памежнікі-нявестабандысты нейкія. Такія ад КПП проста ў ЗАГС дарогу пракладуць абы ўкраінскую прыгажосць абеларусіць. Трэба дэпутатам падказаць, што закон патрэбны, экспартна-нявестны. Глядзі ты, чатыры сцюардэсы сышлі нерастаможанымі».
