Тут і ніжэй фота: Patrick Ernzen, Sotheby's
Вядомая як «Калекцыя Пінакля», у якую ўваходзяць больш за 20 дарагіх аўтамабіляў, будзе распрададзеная на аўкцыёне ў жніўні, перадае The Verge. Імя калекцыянера не раскрываецца.
Надзвычай рэдкі McLaren F1 LM, Bugatti Veyron, Jaguar XJ220, Koenigsegg CCXR, адзін з 20 Lamborghini Reventón ці апошні Ferrari Enzo, некалі падораны папу Яну Паўлу II, — у калекцыю трапілі самыя рэдкія і шыкоўныя машыны.
Агулам павдле падлікаў Reuters машыны калекцыі паасобку могуць каштаваць 65 млн даляраў, але пакуль названыя яшчэ не ўсе аўто, што ў яе ўвайшлі. Адзін McLaren F1 LM мае быць прададзены прынамсі за 12 млн.
Спецыяліст аўкцыённага дому Sotheby's апісвае калекцыю як «сабраную з хірургічнай дакладнасцю». Фокус на рэдкасці і выбітнасці аўто робіць калекцыю хіба не самай значнай прыватнай калекцыяй, што трапляла на аўкцыёны.
Bugatti Veyron 16.4 (2006), серыйны нумар 001
Ferrari Enzo (2005) Яна Паўла ІІ, серыйны нумар 400 з 400
Ferrari 250 GT LWB California Spider (1959)
McLaren F1 LM (1998), фота Darin Schnabel, Sotheby's
