06.06.2015 / 17:05

Пяскоў злавесна: Надзеі на рэалізацыю мінскага плана становіцца ўсё менш 1

На думку прэс-сакратара прэзідэнта Расіі Дзмітрыя Пяскова, парушэнні рэжыму спынення агню прыводзіць да таго, што надзеі на рэалізацыю мінскага плана становіцца ўсё менш і менш.

Фото ТАСС

«Сапраўды, былі надзеі на тое, што яны (мінскія дамоўленасці) будуць выконвацца, — заявіў журналістам Дзмітрый Пяскоў. — Але такія абвастрэнні — па-першае, парушэнне рэжыму спынення агню, потым буйнамаштабнае парушэнне рэжыму спынення агню, — вядома, гэта прыводзіць да таго, што надзеі на рэалізацыю мінскага плана становіцца ўсё менш і менш, а занепакоенасць — усё больш і больш».

Уладзімір Пуцін у інтэрв'ю італьянскаму выданню Corriere della Sera напярэдадні свайго візіту ў Італію заявіў: «…Трэба было спыніць актыўныя баявыя дзеянні, адвесці цяжкую тэхніку. У цэлым гэта зрабілі. Ёсць перастрэлкі; на жаль, да гэтага часу і ахвяры ёсць, але няма буйнамаштабных баявых дзеянняў, бакі разведзеныя».

Журналісты папрасілі Пяскова пракаментаваць, ці захаваў гэты каментар актуальнасць.

«Ён (каментар Пуціна ў гэтай частцы), вядома, страціў актуальнасць, — прызнаў Пяскоў. — Ён не страціў актуальнасць у тым плане, што для міру зроблена ўсё, узгоднены план дзеянняў — мінскія дамоўленасці».

«Сітуацыя змяняецца вельмі дынамічна, а інтэрв'ю давалася некалькі дзён таму», — патлумачыў Пяскоў.

0
шкло / Адказаць
06.06.2015 / 19:21
Говорящая голова русского террора должна замолчать. Впрочем как и его хозяева
Каб пакінуць каментар, калі ласка, актывуйце JavaScript у наладах свайго браўзеру