06.06.2015 / 19:47

Bloomberg: Беларусь і Казахстан змогуць купляць іранскую нафту праз Расію 3

Казахстан і Беларусь змогуць купляць іранскую нафту праз Расію. Пра гэта паведамляе агенцтва Bloomberg са спасылкай на міністра нафты Ірана Бижана Намдара Зангане (Bijan Namdar Zanganeh).

«Казахстан і Беларусь змогуць купляць нафту, якая пастаўляецца ў Расію, паколькі яны з'яўляюцца членамі Еўразійскага эканамічнага саюза», — заявіў Зангане.

Раней агенцтва паведаміла, што Расія будзе імпартаваць першую нафту з Ірана на наступным тыдні ў рамках здзелкі «нафту ў абмен на тавары». Зангане таксама заявіў, што пастаўкі складуць «істотна менш» за 500 тыс. барэлей на дзень.

Перамовы паміж Расеяй і Іранам аб закупках іранскай нафты расійскімі кампаніямі вядуцца з пачатку 2014 года.

Мяркуецца, што нафта з Ірана будзе пастаўляцца праз парты на Каспіі.

Экспарт іранскай нафты зменшыўся на 50% у сувязі з міжнароднымі санкцыямі, выкліканымі ядзернай праграмай Ірана. Сусветныя дзяржавы, уключаючы Расію і ЗША, плануюць паспяхова завяршыць перамовы з Іранам напрыканцы чэрвеня.

nn.by

0
Белабандэравец / Адказаць
06.06.2015 / 19:56
А навошта Казахстану купляць нафту?
0
Чэрвень 7 / Адказаць
07.06.2015 / 11:56
Напэўна, чыноўнік казаў пра чыста біржавыя аперацыі. У Казахстана ў прыкасьпійскіх Атыраўскай і Мангістаўскай абласьцях і сваю нафту пампуюць, і тэрміналы партовыя для іранскай нафты разбудаваць змогуць, калі будзе ў гэным выгада.
0
litwin / Адказаць
07.06.2015 / 16:40
czamu nie praz ukarinu?
Каб пакінуць каментар, калі ласка, актывуйце JavaScript у наладах свайго браўзеру