10.06.2015 / 16:55

«Біблію князя Радзівіла» пусцяць жывой анлайн-трансляцыяй 6

Бо квіткоў на ўсіх ахвочых не хопіць.

У сувязі з вялікім попытам на квіткі на спектакль «Біблія князя Радзівіла» Моладзевы тэатр эстрады зладзіць анлайн-трансляцыю на Ustream. Гэта стане адной з першых анлайн-трансляцый спектаклю ў Беларусі.

Паглядзець трансляцыю можна будзе на канале ruhavik. Пачатак сёння а 19:00.

Спектакль прысвечаны 500-годдзю з нараджэння Мікалая Радзівіла Чорнага — мецэната, лідара руху Рэфармацыі ў Вялікім Княстве і намесніка вялікага князя. «Біблія князя Радзівіла» будзе паказвацца ў Моладзевым тэатры эстрады толькі 10 і 11 чэрвеня.

Падзеі «Бібліі князя Радзівіла» пачынаюцца ў 1551 годзе, калі памірае каралева Барбара, сястра Мікалая Радзівіла Чорнага, а затым і яго малодшы брат Ян, з якім так і не атрымалася памірыцца. Разам з тым у Мікалая Радзівіла нарастае напружанне з жонкай Альжбэтай.

«Ужо тыдзень таму квіткоў не было, — распавёў «Нашай Ніве» стваральнік ініцыятывы «Рухавік» Андрэй Кім. — Арганізатары даставілі яшчэ крэслы, але і гэтыя месцы ўжо амаль раскупілі».

Паводле яго слоў, на момант публікацыі застаўся хіба дзясятак квіткоў на заўтрашні спектакль.

***

Глядзіце таксама: Чаму Радзівіла Чорнага клеяць на білборды?

Аляксандр Арсёнаў

0
Ірына / Адказаць
10.06.2015 / 18:15
Выдатна!
0
Самый сильный и титулованный киношник князь ВКЛ Русла / Адказаць
10.06.2015 / 18:18
Ци можна праглядзець у запису будзе?
0
макс / Адказаць
10.06.2015 / 18:32
с задавальненнем пагляджу!
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру