12.06.2015 / 18:14

Начальнік падраздзялення гомельскага аэрапорта «замініраваў» яго, каб праверыць работу аховы 2

Справа па арт. 340 Крымінальнага кодэкса (заведома непраўдзівае паведамленне аб небяспецы) была распачатая 10 чэрвеня ў дачыненні да 47-гадовага начальніка падраздзялення авіяцыйнай бяспекі Гомельскага філіяла «Белаэранавігацыі». 

Як паведаміў гомельскі транспартны пракурор Сяргей Казакевіч, у ноч на 10 чэрвеня начальнік падраздзялення, знаходзячыся на працоўным месцы, раздрукаваў старонкі з тэкстам «Вы замініраваныя. Прывітанне ад спецназа» і расклаў у розных месцах аэрапорта. Ахова хутка зрэагавала на знойдзенае паведамленне аб небяспецы, на тэрыторыю аэрапорта прыбылі прадстаўнікі ўсіх службаў. Быў перакрыты доступ да аэрапорта, узяты ў ачапленне прыбыўшы ў гэты час самалёт, група размініравання праверыла тэрыторыю, але выбуховых прылад не знайшла.

Раніцай начальнік падраздзялення прызнаўся ў зробленым і растлумачыў, што такім чынам хацеў праверыць пільнасць аховы аэрапорта. 

Аднак супрацоўнікі аховы не знаходзяцца ў яго падпарадкаванні, і ён не меў паўнамоцтваў праводзіць падобныя праверкі, не паведаміў адпаведным службам. Падазроны адхілены ад пасады.

Расследаванне вядзе Следчы камітэт, санкцыя артыкула КК прадугледжвае пакаранне ад штрафу да пяці гадоў пазбаўлення волі.

0
SOS / Адказаць
12.06.2015 / 18:50
Яшчэ адзін "спэцыяліст-жартаўнік" на пасадзе. Клясыка. Беларуская. Можна ўявіць, колькі сродкаў намарна... Няўжо цьвярозы быў... У любым выпадку - жах.
0
Руслан ЗГОЛИЧ самый сильный и титулованный киношинк к / Адказаць
12.06.2015 / 19:17
Наказать бессаромна!
Каб пакінуць каментар, калі ласка, актывуйце JavaScript у наладах свайго браўзеру