Паўабаронца зборнай Беларусі Цімафей Калачоў патлумачыў, чаму пакінуў у суботу стан нацыянальнай каманды і не дапаможа ёй у адборачным матчы ЧЭ-2016 з іспанцамі.
pressball.by
«Так склаліся абставіны, што ў суботу ўвечары мне спатрэбілася тэрмінова з'ехаць у Магілёў, дзе цяпер знаходзіцца мая сям'я. Я падзяліўся сваімі праблемамі з Аляксандрам Мікалаевічам (Хацкевічам), і ён пайшоў мне насустрач.
Ні пра які канфлікт не можа быць і гаворкі. З галоўным трэнерам зборнай у мяне ідэальныя адносіны. Я аддаў нацыянальнай камандзе 10 гадоў жыцця. І гатовы далей абараняць гонар краіны, калі спатрэбіцца мая дапамога».