Кітайскія студэнты масава падтрымалі зборную Беларусі па футбольным матчы супраць каманды Іспаніі, які прайшоў у нядзелю на Барысаў-Арэне.
Некаторыя з іх расфарбоўваліся ў колеры дзяржаўнага сцяга Рэспублікі Беларусь, а таксама разам з іншымі заўзятарамі скандавалі «Беларусь», перад, падчас і пасля гульні.
Варта адзначыць, што ў гэты ж час шмат беларускіх гледачоў было ў футболках зборнай Іспаніі, а на адкрытай перадматчавай трэніроўцы зборнай Іспаніі ўвогуле было не прапіхнуцца. Таксама пасля матча мясцовыя glory hunters (паляўнічыя за славай) ледзь не лезлі па галовах адзін аднаго ў імкненні паглядзець зблізу на іспанскіх гульцоў ці ўзяць у іх аўтограф.
Нагадаем, што беларусы прайгралі нацыянальнай камандзе Іспаніі з лікам 0:1, але паказалі даволі якасную гульню. А на Барысаў-Арэне быў аншлаг.
