17.06.2015 / 15:54

У Светлагорску міліцыя сарвала набажэнства, прэсвітар і вернік аштрафаваныя 8

У канцы мая ў прыватны дом па вуліцы Парыцкая, 4а ў Светлагорску падчас набажэнства супольнасці Міжнароднага саюза цэркваў евангельскіх хрысціян-баптыстаў уварваліся два чалавекі ў цывільным і пачалі відэаздымку.

На просьбу прадаставіць пасведчанне асобы або якія-небудзь дакументы яны не рэагавалі, хадзілі па зале з відэакамерай і размаўлялі па тэлефоне. Затым у дом увайшлі 11 чалавек у міліцэйскай форме і са зброяй і скамандавалі заставацца ўсім на месцах. Кіраваў усім гэтым маёр Вячаслаў Кажадуб.

Падчас малітвы яны падышлі да прэсвітара царквы Уладзіміру Дайнекі, запатрабавалі ўстаць з каленяў і прачытаць пастанову пракурора на агляд жылога памяшкання. Пасля адмовы таго гэта зрабіць, прэсвітара прымусова павезлі ў РАУС, дзе склалі пратакол аб адміністрацыйным правапарушэнні па ч.1 і ч.2 арт. 23.34 КаАП РБ за «парушэнне устаноўленага парадку правядзення сходу, мітынгу, вулічнага шэсця, дэманстрацыі, пікетавання», паведамляе fondsp.org.

Па гэтым жа артыкуле склалі пратакол і на верніка Юрыя Валадзянкова. Усіх прысутных на набажэнстве перапісалі.

8 чэрвеня суд Светлагорскага раёна аштрафаваў Уладзіміра Дайнеку і Юрыя Валадзянкова на 3,6 млн рублёў (223 даляры) кожнага.

Царква Светлагорска просіць маліцца і хадайнічаць аб тым, каб была адменена пастанова аб накладанні штрафу на братоў і хрысціяне ў Беларусі маглі б бесперашкодна праводзіць мірныя набажэнствы.

0
Васіль / Адказаць
17.06.2015 / 16:03
Прозвішча верніка Валодзенка. Менавіта так.
0
Бенедзікт / Адказаць
17.06.2015 / 16:08
"...падчас набажэнства супольнасці Міжнароднага саюза цэркваў евангельскіх хрысціян-баптыстаў уварваліся два чалавекі ў цывільным і пачалі відэаздымку..." -------------------------------------------- Гэта не акупацыйная РПЦ на Беларусі, можна не цырымоніцца...
0
Jesusisajerk66613 / Адказаць
17.06.2015 / 16:50
Бач ты што робіцца. Калі ўжо вяселлі пачнуць "вязаць" па гэтым артыкуле?.. Відаць эканамічнага дна яшчэ не дасягнулі, усё наперадзе.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру