Краіны Еўрасаюза ўзгаднілі падаўжэнне эканамічных санкцый, уведзеных супраць Расіі з-за ролі Масквы ў крызісе ва Украіне, яшчэ на шэсць месяцаў.
Рашэнне аб падаўжэнні санкцый да канца студзеня 2016 яшчэ павінна быць ухваленыя міністрамі замежных спраў краін-членаў ЕС на сустрэчы ў панядзелак, аднак чакаецца, што гэта толькі фармальнасць і яго зацвярджэнне адбудзецца без абмеркаванняў.
Адзін з чыноўнікаў ЕС паведаміў Бі-бі-сі, што на сённяшняй сустрэчы ў Бруселі таксама было вырашана падоўжыць забарону на інвестыцыі ў Крым яшчэ на год.
Абмежавальныя меры ў дачыненні да Масквы былі ўведзеныя ў некалькі этапаў з боку ЗША, Еўрасаюза і яшчэ шэрагу краін.
Нагодай для такога рашэння стала спачатку анексія Крыма, а затым канфлікт на ўсходзе Украіны. Тэрмін дзеяння санкцый павінен быў скончыцца ў ліпені 2015 года.
Масква паслядоўна адмаўляе непасрэдную датычнасць да ўкраінскага канфлікту. Падаўжэнне санкцый расійскія чыноўнікі ўспрынялі спакойна.
Каментары