18.06.2015 / 19:07

Беларусь і Расія задумалі стварыць базу ДНК-ідэнтыфікацыі грамадзян 12

На праект да 2020 года плануецца выдаткаваць 55,5 млн даляраў.

У зацікаўленых ведамствах Беларусі і Расіі праходзіць узгадненне праект «распрацоўкі інавацыйных генагеаграфічных і геномных тэхналогій ідэнтыфікацыі асобы і індывідуальных асаблівасцей чалавека на базе вывучэння генафондаў рэгіёнаў Саюзнай дзяржавы», паведамляе (PDF) газета «Навука».

Праект пад кароткай назвай «ДНК-ідэнтыфікацыя» дапаможа ў пошуку злачынцаў і лекаванні хвароб. Ці закладзенае ў праекце абавязковае занясенне ў базу звестак пра кожнага чалавека, не ўдакладняецца.

Праграма разлічаная на 2016-2020 гады, меркаваны бюджэт складае 3 млрд расійскіх рублёў (каля 55,5 млн даляраў). З беларускага боку замоўца праграмы — Нацыянальная акадэмія навук, расійскі замоўца — Федэральнае агенцтва навуковых арганізацый, што падтрымала ініцыятыву следчага камітэту.

Сярод мэтаў называецца забеспячэнне бяспекі грамадзян і барацьба з тэрарызмам, ідэнтыфікацыя ахвяр катастроф і аварый, барацьба з мігрантамі, што знаходзяцца ў вышуку ў іншай краіне, барацьба з наркатрафікам.

У межах праграмы прапануецца стварыць базу звестак ДНК-маркераў, а таксама метады ідэнтыфікацыі па ДНК рысаў знешнасці, узросце і рэгіёне пражывання. База дазволіць вызначыць як самога чалавека, калі яго ДНК ёсць у базе, так і яго імаверных родзічаў, калі ў базе знойдуцца блізкія ДНК-узоры.

Таксама база ДНК можа дапамагчы ў лекаванні і вывучэнні сардэчна-сасудзістых хвароб, дыябету, метабалічнага сіндрому.

Аляксандр Арсёнаў

0
Счетовод / Адказаць
18.06.2015 / 19:21
Сделать экспортную трансплантологию - магистральной отраслью под контролем на высшем уровне. Для этого пригодится база данных ДНК населения, затраты себя окупят.
0
123456 / Адказаць
18.06.2015 / 19:25
Брэд поўны, перадача персанальных дадзеных грамадзян Рэспублікі Беларусія іншай дзяржаве гэта ж злачынства нейкае
0
мянчук / Адказаць
18.06.2015 / 20:18
Спадабаюцца ваш днк-тып нейкаму бiзнесоуцу. Назаутра вас збiавае машына а ворганы самi ведаеце каму. Як скатоу трымаюць на ферме. Хутка трэба будзе спермы ды яйцэклеткi здаваць. Для "племенного ската"
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру