26.06.2015 / 16:12

Беларускія галаграмы-вентылятары выйгралі 150 тысяч фунтаў 6

Галаграма на апараце Kino-mo. Кадр з трансляцыі фіналу конкурсу

Праект Kino-Mo беларусаў Кірылы Чыкеюка і Арцёма Ставенкі перамог у конкурсе Pitch to Rich 2015 кампаніі Virgin Group у катэгорыі стартапаў і атрымае 150 тысяч фунтаў (больш за 230 тысяч даляраў) на рэкламу і маркетынг сваёй тэхналогіі.

Фіналісты прадстаўлялі свае праекты ў Лондане перад журы на чале з мільярдэрам Рычардам Брэнсанам. Рэакцыяй Брэнсана на прэзентацыю Kino-Mo былі словы «выглядае фантастычна».

Kino-Mo трапілі ў лік 32 фіналістаў па выніках анлайн-галасавання, у якім ім аддалі голас 15 тысяч чалавек. Прамая трансляцыя фінала вялася на Youtube. Прэзентацыя беларусаў пачынаецца на 32 хвіліне, праект прадстаўляў асабіста яго суаўтар Кірыл Чыкеюк.

Праект Kino-mo дае магчымасць паказваць дынамічныя каляровыя галаграмы ў паветры. Выява ствараецца лінейкамі светладыёдаў, што круцяцца нібы вентылятар. Сабекошт аднога апарата для стварэння галаграмы складае прыблізна 180 фунтаў (Брэнсан казаў, што не раскрываў бы гэтую лічбу). Іх прапануецца выкарыстоўваць у найперш рэкламных, а таксама забаўляльных мэтах.

***

Папярэдняя тэхналогія Чыкеюка і Ставенкі паказвала анімаваныя карцінкі на колах ровараў, яна ужо выкарыстоўваецца ў гэтых мэтах у Мексіцы, Ірландыі, Японіі. Сузаснавальнік Kino-mo быў названы адным з 30 найбольш перспектыўных маладых беларускіх прадпрымальнікаў.

Аляксандр Арсёнаў

0
Юрий / Адказаць
26.06.2015 / 17:11
Бизнес - это тайна себестоимости. Бренсон абсолютно прав.
0
Изя / Адказаць
26.06.2015 / 19:01
Голограммой это сложно назвать, голограмма представляет некоторый объем под разными углами зрения, вентилятор же создает только плоское изображение. Но это всего лишь неточность определения. Ребятам - Удачи!
0
Ch / Адказаць
26.06.2015 / 19:16
Бренсон - прав, а хлопцы - молодцы
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру